Qyzmetti eGov.kz portalynda qalaı alýǵa bolady?
Qyzmetke tapsyrys berý úshin eGov.kz elektrondyq úkimet portalynda avtorızasııadan ótip, qajetti qyzmetti tańdap, bıometrııalyq sáıkestendirýden ótý, málimetterdi toltyrý, qol qoıý ádisiniń biri arqyly ótinimdi rastaý jáne memlekettik baj salyǵyn bank qosymshasy arqyly tóleý qajet.
Qyzmetti eGov Mobile mobıldi qosymshasynda qalaı alýǵa bolady?
Mobıldi qosymsha arqyly ótinim berý úshin qosymshada avtorızasııadan ótý, tıisti qyzmetti tańdap, bıometrııalyq sáıkestendirýden ótý, qajetti derekterdi toltyrý, qujatty alý ornyn kórsetý, memlekettik baj salyǵyn tóleý jáne ótinimdi Face/Touch ID arqyly rastaý qajet.
«Jeke kýálik pen pasportty berý» qyzmetin kimder paıdalana alady?
Bul qyzmetti tek jeke kýálik ıesi ǵana ala alady. Basqa adamnyń atynan, tipti senimhat nemese qamqorshylyq negizinde de ótinim berý múmkin emes.
Jeke kýálikti onlaın aýystyrý qandaı jaǵdaılarda múmkin?
Jeke kýálikti onlaın túrde tek onyń qoldanylý merzimi aıaqtalǵan jaǵdaıda ǵana aýystyrýǵa bolady – qujat merzimi aıaqtalǵanǵa deıin 30 kún buryn nemese merzimi ótkennen keıin 10 kún ishinde.
Daıyn qujatty qaıdan jáne qashan alýǵa bolady?
Jańa jeke kýálikti ótinish berýshi aldyn ala kórsetken tirkeý pýnktinen alýǵa bolady. Qujatty daıyndaýdyń standartty merzimi – 15 jumys kúni.
«Jeke kýálik pen pasportty berý» qyzmeti úshin memlekettik baj salyǵy qansha?
Qyzmettiń standartty túri úshin memlekettik baj – 0,2 AEK. Qujatty jedel rásimdeý qajet bolǵan jaǵdaıda, údetilgen qyzmet túrleri qoljetimdi: 3 jumys kúninde – 1 771 teńge, 1 jumys kúninde – 3 372 teńge.
Onlaın ótinim berý kezinde qandaı aqparattyq qaýipsizdik sharalary qarastyrylǵan?
О́tinimdi berý rásimi zamanaýı derekterdi qorǵaý ádisteri men qosymsha sáıkestendirý faktorlary qarastyrylǵan qorǵalǵan Digital ID júıesi arqyly júzege asyrylady. Aldymen júıe ótinim berýshiniń JSN men telefon nómirin mobıldi azamattar bazasy arqyly tekseredi. Sodan keıin tirkelgen telefon nómirine bir rettik qupııa kod (OTP) jiberiledi. Budan ári paıdalanýshy qosymsha qorǵaý sharasy retinde bıometrııalyq sáıkestendirýden ótýi qajet. Mundaı tásil joǵary deńgeıdegi qaýipsizdikti qamtamasyz etedi jáne úshinshi tulǵalardyń qyzmetke qol jetkizý múmkindigin tolyǵymen boldyrmaıdy.
Bıometrııalyq derekter qanshalyqty senimdi qorǵalǵan?
Barlyq bıometrııalyq derekter «Ulttyq aqparattyq tehnologııalar» AQ-nyń qorǵalǵan kontýrynda shıfrlanǵan túrde saqtalady. Digital ID aqparattyq júıesi QR SDIAО́M Aqparattyq qaýipsizdik komıtetiniń talaptaryna sáıkestigi jónindegi aktige ıe.
Eger qoldanýshy bıometrııalyq sáıkestendirýden óte almasa ne isteý kerek?
Keıbir jaǵdaılarda paıdalanýshylar bıometrııalyq sáıkestendirýden óte almaýy múmkin. Bul bet-álpetiniń erekshelikterine, operasııadan keıingi ózgeristerge, tyrtyqtardyń bolýyna, jas erekshelikterine nemese mımıkaǵa baılanysty bolýy yqtımal.
Mundaı jaǵdaılar qyzmet kórsetýden bas tartý bolyp sanalmaıdy – bul qaýipsizdik sharasy retinde qarastyrylǵan. Onlaın sáıkestendirýden ótý múmkin bolmaǵan jaǵdaıda, júıe avtomatty túrde balama nusqa – HQKO arqyly rásimdeýdi usynady. Bul rette ótinish berýshi ózine yńǵaıly kez kelgen HQKO-ǵa júgine alady.
Aıta keteıik, qyzmet týraly tolyq aqparatpen eGov.kz portalyndaǵy qyzmet tólqujatynan tanysýǵa bolady.
