Tabylǵan qujattar qatarynda 1975 jyly Vılnıýs qalasynda ótken Qazaq kınosynyń kúnderine baılanysty, Sh.Aımanov atyndaǵy «Qazaqfılm» kınostýdııasy delegasııasynyń Lıtvaǵa sapary, QazaqKSR-niń halyq ártisi Nurmuhan Jantórın men QazaqKSR-niń Abaı atyndaǵy Memlekettik syılyǵynyń laýreaty, rejısser Sultan Qojyqovtyń lıtvalyqtarmen kezdesýleri týraly derekti materıaldar bar.
Sondaı-aq burynǵy Kókshetaý oblysyndaǵy tyńıgerý jumystaryna lıtvalyq mamandardyń qatysqany týraly da qundy málimetter tabyldy. Bul málimetterdiń arasynda olardyń mektep janyndaǵy lagerlerde, medısına pýnktterinde, qurylys salasynda eńbek etkeni jáne qazaq halqynyń salt-dástúrimen tanysqany jónindegi qundy derekter kezdesedi.
Zertteý jumystaryn Qazaqstan Ortalyq memlekettik kıno-fotoqujattar men dybys jazbalary arhıvi dırektorynyń orynbasary, tarıh ǵylymdarynyń kandıdaty Sáýle Sataeva júrgizip, Vılnıýs, Kaýnas jáne Klaıpeda qalalaryndaǵy Ortalyq memlekettik arhıvterinde bolǵan.
Qazaqstan Mádenıet jáne aqparat mınıstrligi baspasóz qyzmetiniń habarlaýynsha, sapar barysynda aımaqtyq arhıv basshylarymen kezdesýler ótip, ekijaqty yntymaqtastyq máseleleri talqylanǵan.
«Nátıjesinde XIX ǵasyrdyń sońy men XX ǵasyrdyń basyndaǵy qazaq jáne lıtvalyq áıelderdiń beınesine arnalǵan fotokórme uıymdastyrý jóninde kelisim jasaldy», delingen habarlamada.
