Marapattardy Mádenıet jáne aqparat vıse-mınıstri Qanat Ysqaqov tabystap, saltanatty rásimge qatysýshylarǵa Mádenıet jáne aqparat mınıstri Aıda Balaevanyń atynan quttyqtaý sózin jetkizdi.
– Qazirgi kezeń – jańa ıdeıalarǵa toly jasampazdyq dáýiri. Qoǵamda bolyp jatqan ózgeristerdiń bel ortasynda júrgen buqaralyq aqparat quraldarynyń róli ólsheýsiz. Memleket basshysy aqparattyq qaýipsizdikti nyǵaıtýda jáne elimizdiń básekege qabilettiligin arttyrýda medıa salasynyń mańyzy zor ekenin árdaıym atap ótedi, – dedi Q.Ysqaqov.
Búginde elimizde 4 871 buqaralyq aqparat quraly tirkelgen. Onyń ishinde 3 002-si – merzimdi basylym, 236-sy – telearna, 98-i – radıostansa, 1 231-i – aqparat agenttigi men ınternet-basylym.
Merekelik is-shara barysynda eńbegi elenip, qoshemetke bólengen jýrnalıster qatarynan «Qazaq gazetteri» seriktestiginiń qyzmetkerleri de kórindi. Atap aıtar bolsaq, «Drýjnye rabıata» gazetiniń ardageri Álimjan Akbarov pen «Ana tili» gazetiniń tilshisi Baǵdagúl Balaýbaı «Qurmet» ordenin ıelense, «Mysl» jýrnaly bas redaktorynyń orynbasary Sáýle Ahmetova, «Aqıqat» jýrnalynyń bas redaktory Dáýirjan Tólebaev jáne «Baldyrǵan» jýrnaly bas redaktorynyń orynbasary Baǵdat Májıtov «Eren eńbegi úshin» medalimen marapattaldy. Sondaı-aq «Baldyrǵan» jýrnalynyń bas redaktory Erǵalı Baqash «Aqparat salasynyń úzdigi» tósbelgisine ıe boldy.
Vıse-mınıstr qolynan marapat alǵan almatylyq áriptester qatarynda jýrnalıstıka ardageri, ál-Farabı atyndaǵy QazUÝ-dyń jýrnalıstıka fakýltetiniń professory Káken Qamzın «Eńbek ardageri» medaline, al «Almaty aqshamy» gazetiniń tilshisi, belgili jýrnalıst Raıa Eskendir «Eren eńbegi úshin» medaline ıe boldy.
