– Jýrnalıstıka – tek halyqqa aqparat jetkizýdiń quraly ǵana emes, sonymen qatar asqan jaýapkershilik pen sheberlikti, tereń mádenıettilik pen bilimdilikti qajet etetin mártebeli mamandyq. Memleket basshysy buqaralyq aqparat quraldary ókilderine únemi qoldaý bildirip, zor senim artyp keledi.
Prezıdent: «Elimizdiń buqaralyq aqparat quraldary qoǵam sanasyn jańǵyrtyp, ult tutastyǵyn nyǵaıtý jolynda aıryqsha ról atqarady», – dep sala mamandarynyń qoǵamdaǵy ornyn naqty atap ótken bolatyn.
Shyn máninde, sizder elimizdiń rýhanı damýyna, adamgershilik qundylyqtardy saqtaýǵa aıryqsha úles qosyp kelesizder. Osy eseli eńbekterińiz úshin shynaıy alǵysymdy bildiremin, – dedi oblys ákimi quttyqtaý sózinde.
Merekelik is-shara barysynda sala ardageri Beket Momynqul men Tursynhan Tolqynbaıuly Memleket basshysy Jarlyǵymen “Qurmet” ordeni ıegeri atanǵany ataly ótildi. Sondaı-aq Jambyl telearnasynyń dırektory Gúlbarshyn Qulanbaevaǵa “Eren eńbegi úshin” tósbelgisi tabystalsa, Shý aýdandyq “Shý óńiri” gazetiniń bas redaktory Erǵalı Qartaıǵan men ardager jýrnalıst Ábdilda Sársenbi “Aqparat salasynyń úzdigi” atandy.
