Aýdan basshysynyń aıtýynsha, osy jyly Jańatas qalasynan bólek 13 eldi meken turǵyndary tabıǵı gazben qamtylmaq.
– Bıyl aýdanda kópten kútken gaz máselesi sheshimin tabady. Qazirgi tańda eldi mekenderdi tabıǵı otynmen qamtý úshin joǵarǵy qysymdy gaz qubyrynyń qurylysy (AGRS) qarqyndy júrýde, tipti aıaqtalýǵa jaqyn. Kógildir otyn el ıgiligine berilse, turǵyndardy gazben qamtý deńgeıi eldi meken sany boıynsha 76 paıyzǵa jetetin bolady, – deıdi S.Mamytov.
Sonymen qatar jergilikti atqarýshy organnyń basshysy gaz qubyrlaryn aýla ishine halyqqa tıimdi baǵada kirgizýdiń de biryńǵaı tetigi qarastyrylyp jatqanyn jetkizdi.
