ASTANA. 19 naýryz. Shymkentte boksshy Gennadıı Golovkınniń jankúıeri súıikti sportshysynyń atyn kóliginiń nómirine jazyp alǵan. Bul jóninde otyrar.kz habarlady.
Qalalyq tártip saqshylary júrgizgen kezekti reıdte erekshe nómirli kólik kózge túsedi. Alaıda, ol sapyrylysqan qalyń kólik nópiriniń arasyna sińip, joq bolady. Dereý kúdik týdyrǵan kólikke izdeý jarııalaǵan saqshylar arada bes mınýt ótpeı jatyp, Kıa markaly avtokólikti qolǵa túsiredi. Kólik Shymkenttiń Rysqulov dańǵyly men Qazybek bı kóshesiniń qıylysynda toqtatyldy.
Kólik júrgizýshisi nómirdiń zańdy túrde tirkeýden ótkenin kútýge shydamy jetpegen eken. «Nómirdiń shyqqanyn kútpeı, asyǵys jasatyp aldym» deıdi ol. Nátıjesinde, polısııa qyzmetkerleri kólikti aıyp turaǵyna jóneltý týraly sheshim shyǵardy. Búginde bul oqıǵa boıynsha tekserý jumystary júrgizilýde.
Aıta keteıik, Shymkenttegi reıd barysynda bir saǵatyń ishinde kýáliksiz kólik basqarǵan 40 júrgizýshi ustaldy.
Elaman Qońyr.
Derek, sýret: otyrar.kz.
