Foto: Ashyq derekkóz
Mundaı jaǵdaıda azamattar úshin óz nesıe tarıhyn aldyn ala tekserý mańyzdy bola túsedi. Nesıe tarıhy – bul jeke nemese zańdy tulǵanyń atyna rásimdelgen barlyq nesıe men qaryzdar jónindegi málimetterdi, olardyń tólený merzimderi men tártibin qamtıtyn resmı qujat. Iаǵnı, bankter men qarjy uıymdary qaryz bermes buryn, sizdiń osy tarıhyńyzdy muqııat zertteıdi. Sebebi onda sizdiń burynǵy tólem tártibińiz, merzimin ótkizý faktileri, tolyq tólem týraly derekter saqtalady.
Ár azamat óz nesıe tarıhyn jylyna bir ret tegin teksere alady. Qaıtadan suratý aqyly negizde júrgiziledi. Bul múmkindik Qazaqstan Respýblıkasynyń zańnamasynda bekitilgen.
Nesıe tarıhy esebin alý birneshe tásil arqyly júzege asady. Azamattar ony Birinshi kredıttik bıýronyń resmı saıty nemese mobıldi qosymshasy arqyly surata alady. Sonymen qatar eGov.kz elektrondy úkimet portaly arqyly, halyqqa qyzmet kórsetý ortalyqtarynda, «Qazposhta» bólimshelerinde jáne Birinshi kredıttik bıýronyń keńsesinde de alýǵa bolady. Buǵan qosa Memlekettik kredıttik bıýro arqyly da esep qoljetimdi.
«Eger siz ózińizdiń kredıttik esebińizde dáıeksiz derekterdi – mysaly, ótelgen qaryz nemese tolyq tólengen kredıt boıynsha tólem merzimin keshiktirý týraly jazbany baıqasańyz, mindetti túrde tıisti bankke nemese MQU-ǵa habarlasyńyz. Shaǵymdaryńyzdy tıisti qujattarmen rastańyz», dep túsindiredi Qarjy naryǵyn retteý jáne damytý agenttigi.
