Kókshetaýda týǵan anasy múgedek balasynan bas tartty

ASTANA. 19 naýryz. Aqmola oblysynda týǵan anasy bas tartqan, basqa janashyr eshkimi joq 38 jastaǵy azamat aýrýhanany panalap júr. Bul týraly gazeta.kz habarlady. Janarbek Janaıdarov 3 jyl buryn ınsýlt bop, jedel járdemmen Býrabaı aýdandyq aýrýhanasyna jetkizilgen. Sal bop qalǵan naýqastan týysqandary teris aınalypty. Sodan beri Janarbek syrqattar jýynatyn bólmede túnep, al ár kúnin arbaǵa tańylǵan kúıi emhana dálizinde ótkizedi eken. Baǵyp-qaǵyp otyrǵan dárigerler de ony tıisti mekemege ornalastyra almaı áýre. О́ıtkeni, bul azamattyń bir de bir qujaty joq kórinedi. Býrabaıdaǵy aýrýhananyń terapııa bólimshesiniń dálizinde otyrǵan Janarbektiń 3 jyldan bergi ómiri osylaı ótip jatyr. Syrqattar túski uıqydan oıanyp, kereýetterinde kerilip jatsa, ol múgedek arbasynda tapjylmaı otyrady. О́ıtkeni kúndiz oǵan jatatyn oryn joq. Al keshkisin myna syrqattar jýynatyn bólmeniń taqtaıyna kórpe tastap jantaıady. Bas dáriger barar jeri joq azamattyń taǵdyryn sheshý kerek dep quzyrly oryndarǵa habar beripti. Biraq selt etken jan bolmaǵan. Ú jyl boıy sal adamdy tamaqtandyryp, kıindirýden meıirbıkeler de sharshaǵan. Býrabaı aýdandyq aýrýhanasy bas dárigeriniń orynbasary Nuráli Turǵynbaev: «Qujaty joq. Biz qolymyzdan kelgen kómegimizdi berip jatyrmyz. Týysqandary bas tartty. Insýlt bolǵan. Ony aýrýhanadan eshkim alyp ketken joq. Bul máseleleniń sheshimin taýyp berer bireý tabylmaı tur», – deıdi. Múgedektigin anyqtap, arnaıy mekemege ornalastyrýǵa tıis mamandar da Janarbektiń qujatyn izdep sharshadyq dep otyr. Býrabaı aýdandyq jumyspen qamtý jáne áleýmettik baǵdarlamalar bólimi basshysynyń mindetin atqarýshy Qanat Qojaǵulov: «Odan týǵan anasy bas tartyp otyr. Qujatyn ázirleý úshin Ádilet mınıstrligine suraý saldyq. Olardan baza mundaı adam joq degen jaýap keldi», – deıdi Surastyra kelgende onyń anasy. Rásh Janaıdarova Shýche qalasyndaǵy týysynyń úıin panalap júr eken. Ol: «Men balam emes dep qalaı bas tartam? Meniki bolsa. Jaǵdaı joq. О́zim qańǵyryp júrmin», – deıdi. Keıýana osy balasymen Reseıden 40 jylǵa jýyq ýaqyt buryn kóship kelgen eken. Tólqujaty da joq Janarbekti áleýmettik mekemelerdiń birine ornalastyrý úshin eń bolmasa onyń týý týraly kýáligin tabý qajet. Sheneýnikter sony Reseıdiń Qorǵan oblysynan suratyp jatqan kórinedi. Joldybaı Bazar. Derek: gazeta.kz. Sýret: alashainasy.kz.