Serjanttar korpýsy Qazaqstan áskerinde sheshýshi ról atqarady. Sarbazdardyń jaýyngerlik daǵdylary, olardyń moraldyq jaǵdaıy jáne is-árekettegi úılesimdiligi kishi komandırlerge baılanysty. Olar árqashan sarbazdardyń janynda bolyp, ofıserlerge bólimshelerdi basqarýǵa kómektesedi.
Qazaqstanda serjanttardy daıarlaý júıesin qalyptastyrý birneshe kezeńnen ótti.
1996-2001 jyldary halyqaralyq tájirıbege baǵdarlanǵan Kadet korpýsy quryldy.
2001-2008 jyldary 3-shi, 2-shi, 1-shi synypty serjant, «shtab-serjant», «sheber-serjant» laýazymdary men ataqtary engizildi.
2008 jyldan bastap daıyndyq júıesi kóp deńgeıli boldy. Kásibı turǵyda ósý úshin serjanttar únemi biliktilikti arttyrý kýrstarynan ótedi.
2012-2016 jyldary serjanttyń áskerı qyzmetshi retindegi mártebesi zańnamalyq túrde bekitildi. Osyǵan sáıkes, olar tek baǵynystylardy basqaryp qana qoımaı, oqytyp, tárbıeleıdi.
Búginde serjanttardy Astanadaǵy (Saǵadat Nurmaǵambetov atyndaǵy) jáne Shýchınsk qalasyndaǵy (Shoqan Ýálıhanov atyndaǵy) Qorǵanys mınıstrliginiń áskerı kolledjderinde daıarlaıdy. Bıyl Almatyda Baýyrjan Momyshuly atyndaǵy áskerı-sport kolledji ashyldy. Onda dene shynyqtyrý nusqaýshylary daıyndalady.
Qazaqstan serjanttary halyqaralyq jarystarda ózderiniń kásibıligin únemi dáleldep otyrady. Mysaly, serjant Aslan Darhan men gvardııa serjanty Raýan Toqtarbekov Arızona shtaty Ulttyq gvardııasynyń jarystarynda jaqsy nátıje kórsetti. Aslan Darhan 800 metrge júgirýde rekord ornatty, al Raýan Toqtarbekov úzdik atqysh atandy.
Búgingi tańda serjanttar - áskerı tártiptiń negizi.
