Aqparattar aǵyny

● Qazaqstanda aýqymdy mal bordaqylaý alańdaryn salý baǵdarlamasy júzege asyryla bastady. «QazAgro» ulttyq basqarý holdınginiń málimetine súıensek, elimizdiń birneshe oblystarynda 3 myń bas iri qara malyn bordaqylaý alańynyń qurylysy júrgizilmek. ● Bıylǵy shilde aıynda elimizdegi ınflıasııa 0,1 paıyzdy qurady. Al azyq-túlik taýarlarynyń baǵasy 0,3 paıyzǵa tómendese, aqyly qyzmetter 0,5 paıyzǵa ósken. Sondaı-aq, turǵyn úı-kommýnaldyq qyzmetter salasynda tarıfter 7 paıyzdyń shamasynda qymbattaǵan. ● Qazaqstan Respýblıkasy Ulttyq ulanyna qarasty 5573-áskerı bólimindegi jaýyngerler jańa kıim úlgisine kóshti. Áskerılerdiń jańa formasy EKSPO-2017 halyqaralyq kórmesin ótkizý qarsańynda júzege asyryldy. Aıta keteıik, elimiz boıynsha 5 myń sarbaz patrýldik polıseılermen birlesip qoǵamdyq tártipti qadaǵalap keledi. ● Astanada 2015-2016 oqý jylyna oraı jańadan úsh mektep boı kóterdi. Olar – Esil aýdanynyń Orynbor kóshesinde ornalasqan №77 mektep-gımnazııasy, Komsomol turǵyn alabyndaǵy №79 mektep-gımnazııasy jáne Batyǵaı turǵyn alabynda qonys tepken daryndy balalarǵa arnalǵan «Astana English school» mektebi. Ár mektep 1200 orynǵa laıyqtalǵan. ● Almatyda «Samal» shaǵyn aýdanyn abattandyrý barysynda 3 shaqyrymdyq velojol salynady. Ol – Dostyq dańǵyly, Sátbaev, Fýrmanov jáne Joldasbekov kósheleri arqyly uzyndyǵy 3 myń metrlik jol. Sondaı-aq, qala ákiminiń tapsyrmasy boıynsha danııalyq sáýletker Iаn Geıldiń tujyrymdamasy aıasynda aýdandy abattandyrý jumystary júrip jatyr. ● Ońtústik Qazaqstan ob­lysynyń Túrkistan qalasyna jylyna 1 mıllıonǵa jýyq týrıst keledi. Qala ákimi Álipbek О́serbaevtyń aıtýynsha, munda týrızm qarqyndy damyǵan. 2013 jyly Q.A.Iаsaýı kesenesine 700 myńnan astam týrıst kelse, 2014 jyly bul sıfr 1 mln.-ǵa artqan. Al bıylǵy birinshi jartyjyldyqta 600 myńǵa jýyq adam qalaǵa saıahat jasaǵan eken. ● Qyzylorda oblysynda birinshi jartyjyldyqta 5 myńnan astam jańa jumys orny ashyldy. Munyń basym bóligi qurylys salasyna tıesili. Oblys ákimdigi taratqan aqparatqa súıensek, aımaqta jumyssyzdyq deńgeıi 5 paıyzdy quraǵan. Habarlar Úkimet, oblystyq ákimdikter saıttary, «QazAqparat» agenttigi jáne «24kz» telearnasynyń derekteri boıynsha daıyndaldy.