Foto: Oblys ákimdigi
Paıdalanýshy LegalExpert.kz saıtyna kirip, elektrondyq poshta arqyly tirkelip, óz suraǵyn erkin túrde qoıady. JI suraýdy taldaıdy, qajet bolǵan jaǵdaıda naqtylaý suraqtaryn qoıady jáne eki mınýttyń ishinde qadamdyq nusqaýlyqty, zańdarǵa siltemelerdi, sot sheshimderiniń mysaldaryn jáne tipti istiń yqtımal nátıjeleriniń boljamyn beredi. Servıs qazaq jáne orys tilderinde jumys isteıdi, al mátinder paıdalanýshynyń quqyqtyq saýattylyǵy deńgeıine beıimdelgen.
Qaraǵandy oblysy ákimdiginiń baspasóz qyzmetiniń málimdeýinshe LegalExpert.kz, árıne, tolyqqandy zań kómegin almastyrmaıdy, biraq búkil el boıynsha zańgerlerge kún saıyn kelip túsetin jıi kezdesetin saýaldarǵa jaýap beredi.
«Zańgerlerge júginýdiń 70%-dan astamy – jalaqy tólemeý, ajyrasý, alıment, jumys berýshilermen jáne memlekettik organdarmen daý. Biz 100 myńnan astam sot sheshimin taldadyq jáne mundaı jaǵdaılarda tegin jáne tez kómektesetin júıe qurdyq. Endi árbir otandasymyzdyń kez kelgen qurylǵydan: smartfonnan, planshetten nemese kompıýterden qol jetimdi zańdy kómekshisi bar», deıdi atalǵan ýnıversıtettiń professory, joba avtorlarynyń biri Larısa Qusaıynova.
Servıs Qaraǵandy oblysynda pılottyq rejımde iske qosyldy, biraq ol Qazaqstannyń barlyq turǵyndary úshin ashyq – legalexpert.kz saıtyna tirkelse jetkilikti.
