Petropavl qalasynda Elbasy Nursultan Nazarbaev usynǵan bes ınstıtýttyq reforma aıasyndaǵy «100 naqty qadam» Ult josparyn iske asyrý máselelerin talqylaý boıynsha kezdesý ótti, oǵan Mádenıet jáne sport mınıstrligi Tilderdi damytý jáne qoǵamdyq-saıası jumys komıteti tóraǵasynyń mindetin atqarýshy Qýanysh Asylov qatysty.
Kezdesýge Soltústik Qazaqstan oblysy ákiminiń orynbasary A.Dúısenova, memlekettik organdardyń basshylary, oblystyq máslıhat depýtattary, partııa, quqyq qorǵaý, kásipodaq, ardagerler keńesi, bıznes qurylym, úkimettik emes uıymdar ókilderi, óńirdegi etnomádenı birlestikter basshylary, kásipkerler, sportshylar men zııaly qaýym ókilderi qatysty. Qatysýshylar dóńgelek ústelde qazaqstandyq birtektilikti nyǵaıtý jáne Qazaqstan birligin damytý máselelerin jan-jaqty talqylady.
Q.Asylov óz sózinde memlekettik organdar Ult josparyn iske asyrýda normatıvtik-quqyqtyq, uıymdastyrýshylyq jáne ıdeologııalyq súımeldeý boıynsha keshendi jumystardy júrgizýde ekenin atap ótti, «Máńgilik El», «Úlken el – úlken otbasy», «Meniń elim» jáne basqa da aýqymdy jobalardy iske asyrý aıasynda qabyldanyp jatqan sharalar jóninde jan-jaqty baıandady.
Q.Asylov barlyǵymyzdyń aldymyzda Ult josparynda kórsetilgen Qazaqstan qoǵamyn jańǵyrtý men Qazaqstan memlekettiligin nyǵaıtý jónindegi Elbasy Nursultan Nazarbaevtyń tapsyrmalaryn oryndaý boıynsha úlken mindetter turǵanyn atap ótti.
Memlekettik organdar men qoǵam ókilderi ózderiniń sózderinde Ult jospary basymdyqtaryn ashyp kórsetti, ony iske asyrýdyń negizgi tásilderi boıynsha ártúrli pikirler men usynystar bildirdi. Is-sharaǵa qatysýshylar «100 naqty qadam» – bul barlyq qazaqstandyqtar atqarýy qajet memleket jáne qoǵam úshin mańyzdy strategııa degen pikirge toqtaldy.
Kezdesý qorytyndysy boıynsha Memleket basshysy usynǵan 100 naqty qadamdy iske asyrý aıasyndaǵy óńirdiń negizgi mindetteri aıtyldy.
«Egemen-aqparat».
