Aksııaǵa 50-den astam adam qatysty. Olardyń qatarynda qoǵamdyq uıym ókilderi, ekologııalyq eriktiler, mekeme qyzmetkerleri men jergilikti turǵyndar boldy. Qatysýshylar park aýmaǵyn, orman alqaptaryn, aýlalar men qoǵamdyq oryndardy qoqystan tazartty.
Shara aıasynda qaldyqtardy suryptaý, ekinshi shıkizatty qaıta óńdeý jáne turaqty tutyný taqyryptarynda oqytý sessııalary men dárister ótti. Bul sabaqtar azamattardyń ekologııalyq sanasyn arttyryp, qorshaǵan ortanyń jaı-kúıin jaqsartýǵa baǵyttaldy.
Jastar men aǵa býyndy tartýǵa erekshe kóńil bólindi.
«Tazalyq otbasynan bastalady. О́ıtkeni, ómirlik qundylyqtar – eńbekke, tabıǵatqa jáne aınaladaǵy adamdarǵa degen qurmet – eń aldymen otbasynda qalyptasady. Osyndaı sharalar óskeleń urpaqqa týǵan jer men tabıǵatqa degen jaýapkershilikti úlgi etýdiń tıimdi joly», dep atap ótti Talǵar aýdany analar keńesiniń tóraıymy Aıtjamal Nurbatyrova.
Nátıjesinde shamamen 4 tonna qoqys jınalyp, 10-nan astam tehnıka jumyldyryldy. Osyndaı ekologııalyq sharalar aldaǵy ýaqytta da jalǵasyn tabady.
Almaty oblysy
