«Astana arlandary» vs «Baký ottary». Qarsylastar belgili boldy

ASTANA. 19 naýryz. Búkilálemdik boks serııasy (WSB) aıasynda «Astana arlandary» 21 naýryzda «Baký ottary» komandasymen kezdesedi. Shymkentte ótetin sol dodada sharshy alańǵa shyǵatyn boksshylar belgili boldy. Bul týraly «Egemen Qazaqstan» habarlady. Sonymen aldaǵy senbide myna boksshylardyń aıqasyn kóre alamyz: Oljas Sáttibaev – Mýrad Rabadanov (52 kg); Zakır Safıýllın – Albert Selımov (60 kg); Qanaǵat Maralov – Parvız Bagırov (69 kg); Hrvoe Sep – Mıhaıl Dolgoleves (81 kg); Fılıp Hrgovıch – Gadjı Mýrtýzalıev (+91 kg). Qos komanda arasyndaǵy kezdesý 21 naýryzda Shymkenttegi jeńil atletıka kesheninde ótedi. Bastalý ýaqyty 17:30-ǵa josparlanǵan. «Arlandardyń» aıqasyn «Habar» telearnasy tikeleı efırde kórsetedi. Alǵashqy aınalymda qarsylastar Ázerbaıjanda kúsh synasqany belgili. Sol synda bizdiń komanda 3:2 esebimen jeńgen edi. Búginge deıin 9 kezdesý ótkizip barlyǵynda jeńiske jetken «arlandar» WSB jobasynyń «V» tobynda kósh bastap keledi (27 upaı). Al «Baký ottary» 20 upaımen bizden keıingi satyǵa jaıǵasqan. Elaman Qońyr. Derek: «Egemen Qazaqstan». Sýret: worldseriesboxing.com.