Bul - sońǵy úsh jylda óńirde júzege asyrylǵan on ekinshi ınvest joba. Quny - 800 mıllıon teńge. Zavod jylyna 5 mıllıon dana sapaly respıratorlar men súzgi maskalaryn óndiredi. Jobany júzege asyrýshy - «Ulytau Industrial Company» JShS.
Bul óńirdiń ónerkásip áleýetin nyǵaıtyp, otandyq óndirýshilerdi damytýǵa yqpal etedi.
Zaýyttyń ashylý saltanatyna arnaıy qatysqan Ulytaý oblysynyń ákimi Dastan Ryspekov:
«Oblys ákimdigi ınvestısııalardy tartý jáne kásipkerlikti qoldaý jumystaryn basym mindet retinde qarastyrady. Biz ınvestorlarǵa qolaıly jaǵdaı jasaýǵa, tıisti kedergilerdi azaıtýǵa jáne óńirdiń ekonomıkalyq áleýetin arttyrýǵa baǵyttalǵan sharalardy jalǵastyra beremiz», dedi.
2024 jyly Ulytaý oblysynda jalpy somasy 34 mlrd teńgege 9 ınvestısııalyq joba iske asyryldy. Osy joba aıasynda 200-den astam jańa jumys orny quryldy.
2025 jyly óńirde jalpy quny 138 mlrd teńgege 17 ınvestısııalyq jobany iske asyrý josparlanǵan.
«Ázirge Ulytaý oblysynyń óndiris, kásiporyndaryn qamtamasyz etemiz. Kúzge qaraı qýattylyǵymyzdy arttyryp, Qazaqstan naryǵyna shyǵýdy josparlap otyrmyz. Ol ýaqytta ónimderimizdiń sany artyp, qyzmetkerler sany da kóbeıedi», deıdi ınvestor Qalmurat Mádıshev.
Ulytaý oblysy
