Merekelik is-sharaǵa óńir basshysy Erbol Qarashókeev bastap, ardagerler keńesiniń músheleri, zııaly qaýym, túrli partııa ókilderi jáne jergilikti ónersúıer qaýym qatysty. Mádenı-ádebı keshtiń ashylý saltanatynda 200-den astam mektep oqýshysy Ábdimomyn Jeldibaevtyń áıgili «Erke sylqym» kúıin bir mezette tartty.
Is-sharada sóz alǵan óńir basshysy Erbol Qarashókeev qazaq halqy úshin ulttyq mýzykalyq aspap dombyranyń orny qashan da bólek ekenin tilge tıek etti.
«Dombyra – qazaq halqynyń jan serigi, ǵasyrlar boıy amanat bolyp jetken kıeli murasy. Uly dalanyń úni men tiline aınalǵan bul aspap eldi birlikke, yrysqa, ónerge uıystyrǵan. Qazaq halqy dombyrany tórine ilip, kúıshilerdi tóredeı qurmettegen. Dombyranyń kúmbiri – batyrlarǵa jiger, aqyndarǵa shabyt bergen.
Memleket basshysy Qasym-Jomart Kemeluly Toqaev óskeleń urpaqtyń dombyraǵa degen yqylasyna erekshe baǵa berip, bul – óte jaqsy úrdis ekenin atap ótti. Qasıetti qara dombyranyń únin búkil álemge tanytyp júrgen azamattarǵa alǵysyn bildirdi. Biz osy ulttyq aspapty qadirlep, bolashaq urpaqqa amanatpen jetkizýimiz qajet», – dedi óńir basshysy.
Taraz
