Foto: freepik
«8 shildede saǵat 14:30-da jer silkinisi tirkeldi, onyń terbelisi Jambyl oblysynyń birqatar eldi mekeninde sezildi. Zardap shekkender joq.
Aldyn ala málimet boıynsha T. Rysqulov aýdanyndaǵy Qulan aýylynda bir jeke turǵyn úıdiń (1970 jyly saman kirpishten salynǵan), sondaı-aq aýdandyq muraǵat ǵımaratynyń (1934 jyly salynǵan) syrtqy qabyrǵalary men tóbesine shamaly zaqym kelgen. Abaı aýyldyq okrýginde taǵy bir jeke turǵyn úı (1979 jyly saman kirpishten turǵyzylǵan) azdap zardap shekti.
Merki jáne T.Rysqulov aýdandarynda jedel shtab quryldy. Kommýnaldyq nysandar qalypty rejımde jumys istep tur. Áleýmettik nysandar zardap shekken joq. Infraqurylym nysandaryna zaqym kelgeni týraly derek tirkelmedi.
Arnaıy komıssııalar oqıǵa oryndarynda jumys júrgizip jatyr, nysandardy qarap, olardyń jaǵdaıyna baǵa berilýde», delingen óńir basshysynyń jazbasynda.
