Kemeler kerýeni

Bul shara týrızmniń tyń bastamasy dese de bolady. Sonaý keńes ókimeti tusynda aýdandardy baılanystyryp turǵan sý joly toqtaǵany­men, О́skemendegi ózen vokzaly mańy mańyzyn joıǵan emes. Bertin GES pen Samal parki arasynda keme júzip, qala tur­ǵyndary men qonaqtaryna qýanysh syılady. Kúnniń aptap ystyǵynda sýdyń salqyn samalymen serýendeý de taptyrmas demalys.

– Jaz shyqsa, bala-shaǵamyz­ben qaıyqqa minip, anaý GES-ke deıin qydyryp qaıtamyz. Sýly qalada tur­ǵanda mundaı serýenniń bolýy zań­dy da. Áıtpese, jasandy ózen­nen paıda taýyp otyr­ǵan qa­lalardy da bilemiz. Onyń qa­syn­­da bizdiki qolda bar baılyq. Bu­­­ryndary osynaý ózen vokza­ly­nan Semeıge, Úlken Narynǵa ­da qa­tynap turdyq, – deıdi О́ske­men qa­lasynyń turǵyny Saqyp Básenova.

Ulttyq dombyra jáne sý sha­­rýashylyǵy qyzmetkerleri kúni qarsańynda kemeler she­rýi uıymdastyrylyp, týrızm­ge ser­pin bergendeı boldy. Sharaǵa qa­tysqan qonaqtar qaıyqqa mi­nip, se­rýendep qaıtty. Aıtýly she­rýge oblys basshylyǵy da ar­naıy kelip qatysty.

– Sý resýrstaryna baı Shy­ǵys Qazaqstanda keme qatynasy qaı­ta jandanyp, serpindi damyp ke­ledi. Búgingi aýqymdy shara – so­nyń dáleli. Keler jyly biz bul sherýge ózge oblystar men she­ka­ra mańy memleketterinen de qaty­sýshylardy shaqyramyz. О́ıtkeni Ertis ózeni men onyń akvatorııasy buǵan tolyq múmkin­dik beredi, – dedi oblys ákimi N.Saqtaǵanov.

О́zen vokzaly aılaǵynda ót­ken merekelik is-sharaǵa oblys or­ta­­lyǵynyń turǵyndary, arda­ger­ler men etnomádenı bir­les­tik­terdiń ókilderi de qatysty. Jas­­ós­pirimder qońyr dombyradan kúı tógip, ánshiler qala kóginde án áýe­letti. О́ńir basshysy kelesi jyly GES mańynda iri kemeler sherýin ótkizýge daıyndyq ju­mysyn bas­taýdy tapsyrdy.

О́SKEMEN