Foto: Erlan Omar
Tergeý materıaldaryna sáıkes, konserttik jabdyqtardy satyp alýǵa bólingen 320 mıllıon teńge kólemindegi bıýdjet qarajatynyń bir bóligi zańsyz ıemdelgen. Kolonkalar, sabvýferler, sahnalyq qurylymdar, dybys kúsheıtkishter jáne basqa da tehnıkalyq qural-jabdyqtar alý josparlanǵanymen, satyp alý rásimderi zań buzýshylyqtarmen júrgizilgen.
«Alaıda satyp alý talaptaryn buza otyryp, lottardy qoldan bólshekteý arqyly 20-dan astam ataý boıynsha satyp alý elektrondy dúken arqyly júrgizilgen. Elektrondy saýda alańy arqyly jabdyqty naqty jetkizbegen jalǵan jeke kásipkerlermen kelisimsharttar jasalyp, qarajat qolma-qol aqshaǵa aınaldyrylǵan», delingen habarlamada.
Buǵan qosa, tergeý barysynda kúdiktilerdiń biri qylmystyq jolmen alynǵan tabysty jasyrý maqsatynda jalpy somasy 48 mıllıon teńgege avtokólik pen páter satyp alyp, olardy senimdi adamdardyń atyna rásimdegeni anyqtalǵan.
Sot sanksııasymen atalǵan múlikke tyıym salynyp, kúdiktiler qamaýǵa alynǵan.
