Petropavl turǵyndary turǵyn úı aqysyn tóleýden bas tartty

PETROPAVL. 19 naýryz. Oblys ortalyǵyndaǵy «Iýbıleınyı» kóshesinde ornalasqan kóp qabatty 9 «b» uıiniń turǵyndary sanaly túrde bas tartty. Bul týraly egemen tilshisi habarlady. 90  otbasy turatyn 10 qabatty úı 2012 jyly  paıdalanýǵa berilgen. Sodan  beri  aıǵaı-shýdan kóz ashpaı keledi.  Basty sebep–sapasyz turǵyzylǵany. Turǵyndar kóship kele bestaǵannan-aq baspananyń kem-ketikterin baıqap, dabyl qaqqan.  Alaıda,  qalalyq ákimdiktegiler  qurylys jumystaryna  bas merdiger jaýap beretinin kóldeneń tartyp, ózderine shań jýytpaǵan. Onyń aqyry turǵyndardyń  páterlerdiń jalǵa alý jáne kommýnaldyq qyzmet aqylaryn tóleýden bas tartýǵa soqtyrǵan. Merdigerlerdiń aıtýynsha, jarty mıllıard teńgege josparlanǵan kóp qabatty úıdiń 100  mıllıon teńgege jýyǵy esepshotqa  túspegendikten,  sapasyz materıaldarmen qurastyrýǵa májbúr bolǵan. «Ǵımarattyń qabyrǵalary úgitilip túse bastaǵan soń  quqyq qorǵaý  organdaryna aryzdanýǵa týra keldi.  Sosyn qaraǵandylyq  sarapshy mamandar shaqyrtylyp,  olar  úıdiń  irgetasy men qabyrǵalaryndaǵy, dálizderdegi jaryq-tesikterdi qalpyna keltirý jóninde sheshim shyǵarǵan. Búginge deıin eskertýlerdiń biri de oryndalǵan joq. Janymyzdy shúberekke túıip otyrmyz.  Sheneýnikterden esh qaıran joq. 2-3  aıdan beri kommýnaldyq aqylardy tólemeı otyrmyz»,–deıdi turǵyndar. Shyǵarypsalma  ýádeden aýyzdary ábden  kúıgen jurtshylyq  qalalyq turǵyn úı qyzmeti mekemesiniń basshysy Vıtalıı Bespalovtyń «bul úıge qatysty atqarylatyn jumystardyń kólemi belgilengen, qarjy da qarastyrylǵan. Jaz kelisimen ǵımarattyń shatyrynan bastap jertólesine deıin jóndeımiz. Jylý, sý, káriz júıelerin de tekseremiz», degen  ýájine sengileri joq. Turǵyndardyń sózderine qaraǵanda qala ákiminiń kelýin kútip otyrǵan syńaılary bar. Onyń naqty ýádesin almaıynsha  kommýnaldyq qyzmet pen jaldamaly turǵyn úılerdiń aqysyn tólemeımiz degen tas-túıin pikirden aınıtyn túrleri baıqalmaıdy. О́mir Esqalı.  Derek: egemen.kz Sýret: egemen.kz