Foto: Ulttyq ulannyń baspasóz qyzmeti
Ulttyq ulan sarbazdarynyń kómegimen 73 iz-tússiz joǵalǵan bala tabylyp, otbasylaryna tabystalǵan jáne 24 órtti sóndirý jáne adamdardy qutqarý oqıǵasy tirkeldi. Áskerı qyzmetshiler túrli jaǵdaıda bolǵan 32 adamǵa der kezinde alǵashqy medısınalyq járdem kórsetken jáne 54 joǵalǵan zat pen 113 uıaly telefondy ıelerine qaıtaryp bergen.
Ulandyqtar 343 mádenı-buqaralyq jáne sporttyq is-sharalarda qoǵamdyq qaýipsizdik pen tártipti qamtamasyz etken, sol oraıda batyldyq pen janqııarlyq tanytqan 190 áskerı qyzmetshi túrli marapattarǵa ıe bolǵan. Sonymen qatar, ulan sarbazdary odan bólek 35 izdestirý jumysyna qatysqan.
Ulttyq ulannyń málimetinshe jyl basynan beri tyıym salynǵan zattardy qylmystyq-atqarý júıesi mekemeleriniń aýmaǵyna ótkizýge qatysty 77 árekettiń joly kesilip, osyǵan baılanysty 55 adam ustalǵan. Sonymen qatar qoǵamdyq tártipti buzǵan 9 919 azamat (onyń ishinde 379 adam – qylmys jasady degen kúdikpen) ishki ister organdaryna jetkizilgen.
Quqyqtyq tártip áskeriniń jeke quramy polısııamen birlesip elimizdiń 21 qalasynda qoǵamdyq tártipti qadaǵalaıdy. Bul mindetti oryndaýǵa kún saıyn 8 myńnan astam ulandyq atsalysady.
