Buǵan deıin bank First Heartland Jusan Bank degen ataýmen tanymal bolǵan. 2024 jyldyń maýsym aıynda rebrendıng jasap, jańa ataýǵa kóshken bolatyn. Al 4 shilde kúni Alatau City Bank ataýymen qaıtadan resmı lısenzııa aldy.
Banktiń jańa ıesi Vıacheslav Kım bul satyp alýdy strategııalyq sheshim dep baǵalap otyr:
«Alatau City Bank-ti satyp alý men úshin asa mańyzdy. Men onyń negizinde Qazaqstan naryǵy úshin jańa qarjy ınstıtýtyn qurýdy josparlaımyn. Keıingi eki jylda atqarylǵan jumys úshin bank menedjmentine alǵysymdy bildiremin. Eger úzdik nátıjelerdi saqtap, tehnologııalyq damýǵa erekshe kóńil bólsek, tabysqa jetemiz», dedi kásipker.
Buǵan deıin Alatau City Bank-tiń ıesi bolǵan kásipker Ǵalymjan Esenov bank jumysyna 2023 jyldyń ortasynda baqylaý ornatqan. Ol osy ýaqyt ishinde komandamen birge mańyzdy ózgerister engizip úlgergenin aıtty:
«Komandamyz bank qyzmetiniń tıimdiligin arttyryp, bıznes-úderisterdi ońtaılandyrýǵa, ónimderdi jańartýǵa jáne aktıvterdiń sapasyn jaqsartýǵa kúsh saldy. Bul ózgerister endi Kım myrzanyń basshylyǵymen odan ári damı túsetinine senemin», dedi Esenov.
Qazir Alatau City Bank aktıv kólemi boıynsha Qazaqstandaǵy aldyńǵy alty banktiń qataryna kiredi, al menshikti kapıtal kólemi boıynsha tipti úshinshi orynda tur.
