Foto: Ashyq derekkóz
Qujatqa sáıkes, ushaq jerdegi birneshe ǵımaratpen soqtyǵysyp, sonyń saldarynan órtenip ketken jáne tolyqtaı joıylǵan. Apat saldarynan bes ǵımarat otqa oranyp, aıtarlyqtaı qurylymdyq zaqymǵa ushyraǵan.
AAIB málimetteri boıynsha, ushaqtan eki borttyq tirkeýshi qurylǵy (qara jáshik) tabylǵan. Olardyń bireýi apattan úsh kúnnen soń órtengen kúıinde tabylsa, ekinshisi qulaǵan ǵımarattyń mańynan tabylǵan. Eki qurylǵyda da soqqy men joǵary temperatýranyń izderi baıqalǵan. Jazbalarda sońǵy alty reıs boıynsha shamamen 49 saǵattyq derek, sonyń ishinde apatqa ushyraǵan reıs te tirkelgen.
Aýdıojazbadaǵy dıalogtan ekıpaj músheleri arasynda otynmen baılanysty tosyn jaǵdaı týyndaǵany belgili bolǵan. Bir ushqysh otyndy óshirgeni úshin áriptesinen surasa, ekinshi ushqysh mundaı áreket jasamaǵanyn, jaǵdaıdyń kútpegen jerden bolǵanyn aıtqan.
Aldyn ala nusqa boıynsha, apatqa qozǵaltqyshtarǵa otyn berýdiń kenetten toqtaýy sebep bolýy múmkin. Bul jaǵdaı ushaq saǵatyna 333 km (180 torap) jyldamdyqpen qozǵalyp kele jatqan kezde oryn alǵan. Osy sátten bastap eki qozǵaltqyshtyń da qýaty tómendeı bastaǵan.
AAIB ushaqtyń ushý salmaǵy ruqsat etilgen shekte bolǵanyn jáne bortta qaýipti júkter tirkelmegenin habarlady.
Tergeý jalǵasyp jatyr.
