Máselen jaqynda Shymkent qalalyq orta sapasy jáne baqylaý basqarmasy tarapynan «REAL PACK» JShS-ne tıesili qurylys nysanyna tekserý júrgizilgen bolatyn. Nátıjesinde, «Qııal álemi» saıabaǵyna irgeles jatqan ájethana qurylysyna berilgen jalpy kólemi 0,9326 ga jer ýchaskesi Qazaqstan Respýblıkasy Jer kodeksiniń talaptaryna qaıshy berilgeni jáne atalǵan aýmaqqa zańsyz qurylys jumystary júrgizilgendigi anyqtaldy. Osyǵan oraı ortaq paıdalaný aýmaǵynan zańsyz berilgen 1 gektarǵa jýyq jer ýchaskesinde salynǵan 3 qabatty zańsyz qurylys ǵımaraty sot sheshimine sáıkes buzyldy.
Joǵaryda atalǵan basqarma ókilderi quqyq buzýshylyqtarǵa baılanysty atalǵan seriktestik ákimshilik jaýapkershilikke tartylyp, aıyppul salynǵanyn málimdedi. Búgin sot sheshimine sáıkes 3 qabatty qurylys nysanyn buzý jumystary júrgizildi.
Budan buryn da Shymkent qalalyq orta sapasy jáne baqylaý basqarmasynyń qyzmetkerleri Eńbekshi aýdany, Toǵys turǵyn alabyndaǵy zańsyz salynǵan nysandy anyqtaǵan bolatyn. Zań talaptaryna sáıkes menshik ıesine qurylys júrgizý barysynda «Qazaqstan Respýblıkasyndaǵy sáýlet, qala qurylysy jáne qurylys qyzmeti týraly» Zańynyń talaptaryn saqtamaǵany úshin (jobalaý qujattamasynsyz, avtorlyq jáne tehnıkalyq qadaǵalaýsyz, sondaı-aq qurylystyń bastalǵany týraly habarlamasyz) 900 myń teńgeden astam aıyppul salyndy. Sonymen qatar atalǵan qurylystyń jer teliminen tys salynǵan bóligi óz erkimen buzyldy.
Osy oraıda basqarma ókilderi kez-kelgen ǵımarattyń qurylysyn bastar aldynda qoldanystaǵy zań talaptary men qurylys normalaryn qatań saqtaý qajettigin eskertedi.
Talaptardyń oryndalmaýy iri kólemde aıyppul salýǵa jáne nysandy májbúrlep buzýǵa ákep soǵýy múmkin ekenin eske salady.
Shymkent
