Saltanatty is-sharaǵa Qazaqstan Respýblıkasynyń Tótenshe jaǵdaılar mınıstri general-maıor Shyńǵys Árinov, qala ákimi Ǵabıt Syzdyqbekov TJD basshylyǵy men jeke quramy qatysty. Aıta keteıik, jańa tehnıkalar qalalyq ákimdiktiń qoldaýymen satyp alynǵan.
Megapolıs basshysy jańa tehnıkalar mınıstrlik pen qalalyq ákimdiktiń qoldaýymen satyp alynǵanyn jetkizdi. Sonymen birge tótenshe jaǵdaılar qyzmetine qamqorlyq jasaý azamattyq qorǵanys júıesin kúsheıtýge, qutqarýshylardyń áleýmettik jaǵdaıynyń jaqsarýyna yqpal etetinin málimdedi.
«Tótenshe jaǵdaılar qyzmetiniń materıaldyq-tehnıkalyq bazasyn nyǵaıtý Memleket basshysy Qasym-Jomart Toqaevtyń tapsyrmasy aıasynda iske asyrylyp otyr. Osyǵan oraı qala ákimdigi aldaǵy ýaqytta da tıisti mınıstrlikpen birge azamattyq qorǵaý júıesin kúsheıtýdi jalǵastyra beredi. Sondaı-aq adam ómiri men qaýipsizdigi úshin kúresetin qyzmet ókilderin tehnıkalyq jaraqtandyrý men áleýmettik qoldaý da jergilikti atqarýshy bıliktiń árdaıym nazarynda turady» dedi qala ákimi.
Shahar basshysynyń aıtýynsha, TJD-ny materıaldyq turǵydan damytý megapolıste turaqty júzege asyrylyp keledi. Sonyń bir aıǵaǵy jýyrda qaladan ashylǵan jańa órt sóndirý depolary.
Sonymen saltanatty is-shara barysynda qutqarý bólimshelerine avtosısternalar, sorǵy-jeńdi avtomobılder, avtokrandar, avarııalyq-qutqarý avtomobılderi jáne kóbikti sóndirý tehnıkasyn qosa alǵanda 40 dana zamanaýı tehnıka túrleri tapsyryldy. Bul materıaldyq-tehnıkalyq bazany jaqsartýmen birge qutqarýshy jasaqtardyń tótenshe jaǵdaılarǵa daıyndyǵyn arttyra túspek.
Shymkent
