Foto: egemen.kz/ Erlan Omar
Oqý-aǵartý mınıstrliginiń málimetinshe, qujat tapsyrǵandardyń 70 paıyzy memlekettik tilde oqýǵa ótinish bergen.
QR «Bilim týraly» Zańyna sáıkes, 1-synypqa ata-anasynyń ótinishi boıynsha balalar 6 jastan bastap qabyldanady. Qujattardy memlekettik egov.kz elektrondyq úkimeti, sondaı-aq qaǵaz nusqada ótkizýge bolady.
Qazaqstan azamattary úshin Jalpy bilim beretin orta mektepke qabyldaýǵa qajetti qujattar tizimi:
1)ata-ananyń nemese zańdy ókiliniń ótinishi;
2) №065-ý nysanyndaǵy densaýlyq jaǵdaıy týraly anyqtama jáne №052-2/ý nysanyndaǵy balanyń densaýlyq pasporty;
3)ólshemi 3h4 sm sýret (2 dana)
Shetel azamattary úshin:
Ata-analar nemese basqa zańdy ókilder Qazaqstanda ýaqytsha nemese turaqty turýy kerek. Sheteldikter mektepke Qazaqstan Respýblıkasynda turaqty turý quqyǵy týraly jáne turǵylyqty jeri boıynsha tirkeý týraly qujattardy usynýy tıis.
О́tinish demalys jáne mereke kúnderdi qospaǵanda dúısenbiden jumaǵa deıin qabyldanady.
Aıta keteıik, birinshi synypqa qujat qabyldaý 31 tamyzǵa deıin jalǵasady.
