Foto: Ashyq derekkóz
AÁK-tiń negizgi maqsaty – az qamtylǵan otbasylardy qoldaý, olarǵa aqshalaı kómek kórsetý jáne otbasynyń eńbekke qabiletti múshelerin jumysqa ornalastyrýǵa járdemdesý arqyly olardyń ál-aýqatyn jaqsartý.
AÁK mynadaı qoldaýlardy qamtıdy:
- Tabysy óńirlik kedeılik sheginen tómen azamattarǵa toqsan saıyn áleýmettik kómek tóleý;
- 1 jastan 6 jasqa deıingi tabysy tómen otbasylardaǵy balalarǵa aı saıyn 1,5 AEK kóleminde qosymsha tólem jasaý. Bıylǵy 1 shildedegi jaǵdaı boıynsha bul kómek 75,2 myń balaǵa taǵaıyndalyp, 2,1 mıllıard teńge kóleminde tólem júrgizildi;
- Jumysqa ornalasýǵa, kásibin bastaýǵa nıetti azamattarǵa grant berý, qajet bolǵan jaǵdaıda oqytý kýrstaryna jiberý syndy sharalar arqyly eńbekke tartý.
Aıta keteıik, ótinish berý úshin azamattar turǵylyqty jeri boıynsha jumyspen qamtý ortalyqtaryna, aýyldyq okrýg ákimderine nemese egov.kz elektrondyq portaly arqyly júgine alady.
Esterińizge sala keteıik, 2025 jylǵy 1 qańtardan bastap kedeılik shegi óńirlik medıandyq tabystyń 35%-y deńgeıinde, biraq óńirlik eń tómengi kúnkóris deńgeıiniń 70%-ynan tómen emes mólsherde belgilendi.
