Kókshetaýda «Nurly jol» baǵdarlamasymen 337 páter kilti tapsyryldy

KО́KShETAÝ. 19 naýryz. Shapaǵaty mol Naýryz merekesi qarsańynda Aqmola oblysynyń ákimi S.Kýlagın men «Qazaqstannyń ıpotekalyq kompanııasy» AQ basqarýshy dırektory A.Aqchýrınniń qatysýymen áleýmettik turǵyn úıdi jalǵa berý baǵdarlamasy aıasynda salynǵan «Jansaıa» turǵyn úı kesheninde jańa páterlerdiń kiltterin tapsyrý saltanaty ótkizildi. О́ńir basshysy Sergeı Kýlagın, «Báıterek» Ulttyq basqarýshy holdıngi» AQ departament basshysy Qanat Ybyraev qýanysh ıelerin quttyqtaý sózinde Prezıdent Nursultan Nazarbaevtyń Qazaqstan halqyna arnaǵan «Nurly jol – bolashaqqa bastar jol» Joldaýynda áleýmettik turǵyn úılerdi jalǵa berý qurylysyna kózqarasty ózgertý, onyń qoljetimdiligi men ashyqtyǵyn qamtamasyz etý, turǵyndarǵa satyp alý quqyǵyn bere otyryp, uzaq merzimdi tómengi paıyzdyq júıeni engizýdi tapsyrǵanyn atap kórsetti. О́ńirlerdi damytýdyń 2020 jylǵa deıingi baǵdarlamasynyń sharapaty retinde búgin ásem turǵyn úı kesheninde 19,5 myń sharshy metrlik 337 páterdiń kilti tapsyrylady. Munyń ózi ıgi bastamanyń jalǵasyn taba beretinin dáleldeıdi. Kókshetaý tarıhynda bir mezette 337 otbasynyń qonys qýanyshy bolyp kórmegen. Biz №264 páterdiń kiltin ıelengen Kákimbekovterdiń otaýyna qutty bolsyn aıttyq. Álibek pen Jansaıa eki bala ósirip otyrǵan jas otbasy. «Biz osy kúnge deıin 8 jyl boıy páter jaldap turdyq. О́zim medısına qyzmetkerimin. Kúıeýim memlekettik kiris departamentinde jumys isteıdi. Memleketimizdiń qoǵam múshelerine jasap jatqan qamqorlyǵyna rızamyz. Balalarymnyń da qýanyshynda shek joq. Meniń esimimmen attas «Jansaıa» turǵyn úı keshenin salýǵa úles qosqan barsha azamattarǵa alǵysymyz sheksiz. Sońǵy jyldary Kókshetaýda turǵyn úıler kóptep salynyp jatyr. Biz sııaqty kezekte turǵan jerlesterim de kóp uzamaı qonys toılaryn jasaıtyndyǵyna senemin», deıdi Jansaıa. Baqbergen Amalbek. Derek: egemen.kz Sýret: egemen.kz