Osy arqyly ónerkásiptik óndiris, qaıta óńdeý, medısına, bilim berý, týrızm, kreatıvti ekonomıka, sport pen áleýmettik kásipkerlik salalaryndaǵy kásipkerler qarjylaı qoldaý alǵan. Búgin baǵdarlama 2019 jyly iske qosylǵan sátten bastap 2025 jyldyń shildesine deıin jalpy somasy 38,3 mlrd teńgege 750 joba qarjylandyrdy degen resmı derek tarady.
Nesıeniń eń kóp bóligi óndiris jáne qaıta óńdeý (45%), áleýmettik kásipkerlik (21%), týrızm (17%), densaýlyq saqtaý (11%), kreatıvti ındýstrııa (6%) jáne shaǵyn ónerkásip parkterin salý (1%) salalaryndaǵy kásiporyndarǵa berildi. Aýmaqtyq bólinistegi kóshbasshylarǵa kelsek, Bostandyq aýdanyndaǵy qarjylandyrylǵan bastama – 147, Alataý aýdany – 119, Almaly aýdany – 87, Áýezov aýdany – 84, Medeý aýdany – 83, Naýryzbaı aýdany – 65, Túrksib aýdany – 53 jáne Jetisý aýdany – 50 boldy. Jobalardy iske asyrý nátıjesinde 5 276 jańa jumys orny quryldy.
«Almaty Finance» basqarma tóraǵasy Berik Qusaıynovtyń aıtýynsha, revolverlik-qaıtarý tetiktiń arqasynda bıýdjetten bólingen 25,6 mlrd teńge jalpy somasy 38,3 mlrd teńgege bıznesti jeńildetilgen qarjylandyrýdy qamtamasyz etken. Baǵdarlama óz jumysyn jalǵastyrady ári Almaty kásipkerlerin qoldaýdyń tıimdi quraly bolyp tur.
«Almaty Business – 2025» sheńberinde qarjylandyrýǵa ónerkásiptik, ınnovasııalyq, eksportqa baǵdarlanǵan bastamalar, kreatıvti ındýstrııalar, áleýmettik kásipkerlik, shaǵyn óndiristik bıznes jobalary, sondaı-aq AEA jáne ındýstrııalyq aımaq aýmaǵyndaǵy bıznes-bastamalar jatady.
