Aqmola oblysynda múlikti zańdastyrý isi belsendi júrgizilip keledi

KО́KShETAÝ. 19 naýryz. Aqmola oblysynda múlikti jarııa etý belsendi sıpat alyp otyr. Bul týraly egemen.kz tilshisi habarlady. О́ńirde 2015 jyldyń 11 naýryzyna deıin jergilikti memlekettik komıssııanyń qaraýyna 519 ótinish kelip túsken. Onyń 332-i turǵyn úı jáne 615-i turǵyn úıge jatpaıtyn nysandar bolsa, sońǵysynyń 234-i kommersııalyq ǵımarattardy qamtıdy. Atalǵan jyljymaıtyn múlikterdiń jalpy quny 4,8 mlrd. teńgeni quraıdy. Qazirgi tańda 235 ótinish qanaǵattandyrylyp, 1,9 mlrd. teńgeniń 555 nysany jarııa etildi. Turǵyndar ótinishin aımaqtarǵa bólip qarastyrsaq, Selınograd jáne Býrabaı aýdandarynda, sondaı-aq, oblys ortalyǵy Kókshetaý qalasynda belsendilik joǵary ekendigin baıqaýǵa bolady. Oblys turǵynadarynan Qazaqstannan tys jerlerdegi jyljymaıtyn múlikter men aqshalaı qarajatyn jarııa etý etý jóninde ótinish tirkelmegen. О́ńirde múlikti jarııa etý faktisi sońǵy ýaqytta ekpin ala túsken. Máselen, naýqan bastalǵan alǵashqy tórt aıda 300 ótinish qabyldansa, sońǵy eki aıda, ıaǵnı, 13 qańtar men 11 naýryz aralyǵynda onyń sany 200-den asyp otyr. Memlekettik kiris jónindegi oblystyq departamenttiń óndiristik emes tólemder bóliminiń basshysy Gúlnara Balabaevanyń aıtýynsha, kapıtaldy jarııa etý qarqynynyń artýyn qolǵa alynǵan aksııa sharttarynyń tıimdiligi men keshirim sharalarynyń qolaılylyǵymen baılanystyrýǵa bolady. Baqbergen Amalbek. Derek: egemen.kz. Sýret: thenews.kz.