Taraptar qazaq-qytaı yntymaqtastyǵynyń keń aýqymdy máselelerin, sonyń ishinde saıası, saýda-ekonomıkalyq jáne mádenı-gýmanıtarlyq salalardaǵy ózara is-qımyldyń qazirgi jaı-kúıi men aldaǵy maqsattardy talqylady.
Suhbattastar qos el arasyndaǵy saıası dıalogtyń oń serpinin atap ótti. Erekshe nazar Qazaqstan men Qytaı kóshbasshylary arasyndaǵy kezdesýler barysynda qol jetkizilgen ýaǵdalastyqtardy júzege asyrýǵa, sondaı-aq bıik jáne joǵary deńgeılerdegi aldaǵy is-sharalar kestesine aýdaryldy.
«Bıyl Astanada memleketter basshylarynyń dástúrli túrde ashyq ári senimdi sıpatta ótken kelissózderiniń qorytyndysyna sáıkes jańa órshil maqsattar qoıylyp, yntymaqtastyqty odan ári damytý baǵyty aıqyndaldy. Endigi ortaq mindetimiz – qol jetkizilgen ýaǵdalastyqtardy sapaly iske asyrý úshin bar kúshimizdi salý», dedi M.Nurtileý.
Sonymen qatar saýda-ekonomıkalyq, ınvestısııalyq, energetıkalyq jáne tranzıttik-kóliktik salalardaǵy yntymaqtastyqty odan ári keńeıtý máseleleri talqylandy.
Kezdesý sońynda mınıstrler óńirlik jáne halyqaralyq kún tártibindegi ózekti máseleler boıynsha pikir almasty, sondaı-aq BUU, ShYU, AО́SShK jáne «Ortalyq Azııa – Qytaı» formaty sııaqty kópjaqty qurylymdar aıasyndaǵy tyǵyz úılestirý men ózara is-qımyldy jalǵastyrýǵa kelisti.
