Qoǵam • 16 Shilde, 2025

Perızat Qaırat Kaspıı bankke qarjy surap hat jazǵan

110 ret

kórsetildi

1 mın

oqý úshin

Astanada Perızat Qaıratqa qatysty sot prosesi jalǵasyp jatyr. Qarjylyq monıtorıng agenttigi «Biz Birgemiz Qazaqstan» qorynyń basshysy bolǵan Perızat Qaırat pen anasy 3,5 mlrd teńge jymqyrǵanyn anyqtaǵan edi, dep jazady Egemen.kz.

Dana MYRZAQADIR

Perızat Qaırat Kaspıı bankke qarjy surap hat jazǵan

Búgin sot otyrysynda úshinshi epızod - Qazaqstandaǵy sý tasqynyna qatysty jınalǵan qarjyny jymqyrýǵa qatysty kýágerlerden jaýap alynyp jatyr.

Sot barysyna kýáger retinde qatysyp jatqan Kaspıı banktyń bas zańgeri Aıdar Ksembaev 2024 jyldyń 5 sáýirinde sý tasqynan zardap shekkenderge kómek berý úshin «Biz Birgemiz Qazaqstan» qoǵamdyq birlestiginiń basshysy 120 mln teńge jáne 8 sáýir kúni 500 mln teńge qarjy qajet ekenin aıtyp atalǵan bankten aqsha aýdarýdy suraǵanyn aıtty.

Kaspıı bank basshylyǵy hatqa jaýap retinde qorǵa 1 kúnde 120 mln jáne bólek operasııamen 500 mln teńge aýdarǵan.
Bank ókili sol tusta shuǵyl kómek qajet bolǵandyqtan kelisimshartsyz-aq qarjy aýdarylǵanyn málimdedi.

2024 jyldyń 1 shildesinde Perızat Qaırat Kaspıı bankke alǵys hatyn joldap, grafıka arqyly qarjynyń basym bóligi, ıaǵnı 423 mln teńgeniń qaıda jumsalǵany týraly esep te bergen.