Aqtóbe turǵyny 54 jasynda eki qyzdyń anasy atandy

AQTО́BE. 19 naýryz. Aqtóbe qalasynyń 54 jastaǵy turǵyny egiz balalardy dúnıege ákelgen ana atandy. Bul týraly «Dıapazon» habarlady. Basylymnyń málimetinshe, egiz qyz tapqan áıel olardyń birin ózi týsa, ekinshisin sýrrogat ana ómirge ákelgen. Dárigerlerdiń aıtýynsha, ol EKO kómegimen júkti bolǵan. Perınataldyq ortalyqqa onymen birge sýrrogat ana da tústi. Ekeýi de qyz bosanyp otyr. «Sábıler tolyq jetilip týyldy, eshqandaı kemshiligi joq», - dedi dárigerler. Endi bul otbasynda úsh bala bolady, áıeldiń tuńǵyshy - ul, ol 28 jasta. Guinness-Records.info portalynyń málimetinshe, álemdegi eń egde ana - Úndistan turǵyny Radjo Devı Lohan. 2008 jyly ol 70 jasynda Navın esimdi qyz balany ómirge ákelip, Gınness rekordtar kitabyna engizildi. Lohan 58 jyl bedeýlikten soń EKO kómegimen bala kótergen. Satybaldy Sáýirbaı. Derek, sýret: Dıapazon.