Memorandýmǵa qol qoıdy

Qazaqstan men Qytaıdyń týrızm ındýstrııasy ókilderi arasyndaǵy óz­ara tıimdi yntymaqtastyqty nyǵaıtý­ǵa ar­nalǵan forýmǵa eki eldiń jetekshi sarap­shylary, týroperatorlary, qonaq­úı bıznesi men «Ctrip», «Tongcheng», ­«JD Travel» tárizdi iri tehnologııalyq kom­pa­nııalarynyń ókilderi qatysty. Bas­qosý aıasynda «Kazakh Tourism» men «Zowoyoo» kompanııalary ynty­maq­tastyq týraly memorandýmǵa qol qoı­dy. Qujat elimizdiń týrıstik áleýetin Qytaı naryǵynda sıfrlyq formatta dáripteýge, Qytaıdan týrısterdi belsendi tartýǵa baǵyttalǵan.
Taraptar aldaǵy ýaqytta saıahatshy­larǵa beıimdelgen zamanaýı sıfrlyq ekojúıeni damytady. Seriktestik aıasynda elimizdiń Qytaıdaǵy «Douyin» (TikTok-tyń balamasy), «Xiaohongshu» (Little Red Book) tárizdi tanymal platformalarda, basqa medıaarnalarda usynylýyn keńeıtý qarastyrylǵan.
«Zowoyoo» Qytaı qoldanýshy­lary­­nyń sıfrlyq minez-qulqyn jaq­sy túsinedi. Bul bizge jańa býyn týrısteriniń talǵamy qalyptasatyn negizgi platfor­malarda barynsha jeke strategııa qu­rý­ǵa múmkindik beredi. Osylaısha, biz ár­bir saıahatshyǵa beıim­delgen tájirıbe usy­nyp, olardyń sa­pardy josparlaýyn­ edáýir jeńil­detemiz», dep atap ótti «Kazakh Tourism» UK» AQ Basqarma tór­aǵasynyń orynbasary Danıel Serjanuly.
Qytaı delegasııasyna elimizdiń týrıstik áleýeti tanystyrylyp, týrızm salasyndaǵy yntymaqtastyqty keńeıtý múmkindikteri talqylandy. Paneldik sessııalar barysynda eki negizgi taqyryp: týrızm ekojúıesiniń sıfrlyq transformasııasy, zamanaýı medıalar arqyly marketıngtik ilgeriletý kóterildi.
Forým eki el arasyndaǵy týrızm men má­denı baılanystardy damytýǵa ar­nal­ǵan mańyzdy dıalog alańyna aınaldy.