Ǵylym • 17 Shilde, 2025

«QAIST» ǵylymı-bilim berý jobasy ázirlenip jatyr

90 ret

kórsetildi

1 mın

oqý úshin

Joǵary bilim men ǵylym salasynda jańa tehnologııalardy engizý baǵytynda jumystar júrgizilip jatyr. Sonyń biri – Azııadaǵy jetekshi ǵylymı-tehnologııalyq joǵary oqý oryndarynyń biri sanalatyn Koreıanyń ǵylym jáne tehnologııalar ınstıtýtynyń úlgisi retinde jasalyp jatqan «QAIST» jobasy, dep jazady Egemen.kz.

Aıdana ShOTBAIQYZY

«QAIST» ǵylymı-bilim berý jobasy ázirlenip jatyr

Jaqynda Ǵylym jáne joǵary bilim mınıstri Saıasat Nurbek KAIST modelindegi «QAIST» ǵylymı-bilim berý jobasyn ázirleýge qatysýshy ǵalym-sarapshylardy qabyldady. Júzdesýde «QAIST» jobasyn iske asyrýdyń aldaǵy kezeńderi jan-jaqty talqylandy. Kezdesýde ǵalym-sarapshylar mınıstrge joba boıynsha atqarylyp jatqan jumys nátıjeleri baıandalyp, aldaǵy jumys jospary tanystyryldy.

О́z sózinde mınıstr Saıasat Nurbek atalǵan bastamany qazaqstandyq jáne koreıalyq ǵalymdarmen birlese otyryp, sapaly jáne ýaqytyly aıaqtaýdy tapsyrdy.

Aıta keteıik, Ǵumarbek Dáýkeev atyndaǵy Almaty energetıka jáne baılanys ýnıversıtetinde KAIST modelindegi «QAIST» ǵylymı-bilim berý jobasyn ázirleý boıynsha forsaıt-sessııa otyrysy ótken bolatyn. Munda KAIST úlgisin Qazaqstan jaǵdaıyna beıimdeý múmkindikteri talqylanyp, ǵalym-sarapshylardyń usynys-pikirleri saralandy.