Foto: Oqý-aǵartý mınıstrligi (arhıv)
Atalǵan platformada 1-11 synyptardyń elektrondy oqýlyqtary ornalasqan, ınteraktıvti tapsyrmalar men beıne-aýdıo materıaldar bar, kitaphanada ulttyq qundylyqtarymyzdy bala boıyna sińirý úshin kitap qory óte mol.
«TopIQ.kz»-ty qoldaný óte ońaı ári qyzyq. Tústeri qanyq, balanyń kózin sharshatpaıtyndaı, zeıinin turaqty ustaı alatyndaı, árip ólshemderi anyq, sýret tústeri úılesimdi.
Kúndelikti elektrondy jýrnalymyz Kúndelik.kz-ke kiretin qupııasózdi paıdalaný arqyly op-ońaı «TopIQ.kz»-ke tikeleı kire qoıamyz. Platformanyń artyqshylyǵy – kez kelgen gadjetke júktemeı-aq jumys jasaý múmkindigi qarastyrylǵan. Bul oqýshynyń da, muǵalimniń de mektepte ǵana emes, sonymen birge, qashyqtan oqý kezinde de, kanıkýl ýaqytynda da ýaqytty utymdy paıdalaný úshin óte qolaıly.
Platformadaǵy kórkem ádebıet bólimindegi kitaptardy paıdalaný arqyly oqýshylardyń qazaq tili, ádebıet pánderinen bilim sapasy artty, atap aıtqanda, mazmundama men shyǵarma jazý boıynsha oı-órisin damyta jospar qurý, 4-5 úzindi oqý, sahnalyq kórinis kórsetý, oqyǵanynan alǵan áserin kórsete alý, t.b. kóp kómegin tıgizip jatyr.
Osy rette barlyq oqýshylarǵa, ata-analarǵa, áriptesterime «TopIQ.kz» zamanaýı ınnovasııalyq platformanyń múmkindikterin paıdalanýǵa shaqyramyn. Jazǵy demalysty osy platformadan kitap oqyp, paıdaly ótkizeıik!
Alııa Serikbaıqyzy,
Astana qalasy № 82 «Daryn» mamandandyrylǵan lıseıiniń bastaýysh synyp muǵalimi
