Resmı derekke júginsek, mal sharýashylyǵyn damytý maqsatynda 240 jobaǵa nesıe berilse, jylyjaı keshenderin salý úshin 33, basqa bastamalardy qoldaý úshin 430 jobaǵa nesıe qarastyryldy.
Osy jyly baǵdarlamany iske asyrýǵa 5 mlrd teńge qarastyrylǵan. Bul qarjy 25 aýyl sharýashylyǵy kooperatıvi men 450 jeke kásipkerdi qoldaýǵa baǵyttalyp, 525 jańa jumys orny qurylmaq.
Jergilikti atqarýshy bılik ókilderiniń aıtýynsha, T. Rysqulov aýdany Qulan aýylynyń turǵyny Marat Alǵashbek memlekettik baǵdarlama aıasynda 9 mln 200 myń teńge kóleminde jeńildetilgen nesıe alyp, gazoblok shyǵaratyn óndiristik seh ashty. Joba sheńberinde birneshe jergilikti turǵyn turaqty jumyspen qamtylyp otyr.
Qazirgi kezde kásipker óndiris kólemin arttyrýǵa den qoıyp otyr. Ol plastık tereze men esik jasaý isin de myqtap qolǵa alǵan. Aıtýynsha, aýyl turǵyndary tarapynan suranys joǵarylaǵan.
Resmı derekke sensek, T.Rysqulov aýdanynda «Aýyl amanaty» jobasy 5 aýyldyq okrýgte júzege asyrylýda. Joba aıasynda 847 azamat jeke kásipker atanyp, 863 adamdy jumyspen qamtyp otyr.
Jambyl oblysy
