Jergilikti atqarýshy bılik ókilderiniń aıtýynsha, jalpy quny 8,6 mlrd teńgeni quraıtyn 10 aýyldaǵy aýyz sý jelileriniń qurylysy aıaqtalǵan. Naqtyraq aıtsaq, Noǵaıbaı, Otar, Qordaı, Qaınar, Stepnoe, Qarasý, Eńbek, Sarybulaq, Soǵandy jáne Báıterek aýyldary ortalyqtandyrylǵan aýyz sýmen tolyq qamtamasyz etildi.
«Qazirgi kezde 4 eldi mekenniń máselesin sheshýge kúsh salyp jatyrmyz. Sharbaqty, Kúnbatys – 2 Alǵa jáne Gvardeısk aýyldarynda aýyz sý qurylystary qarqyndy júrgizilip jatyr. Sonymen qatar, Qarasaı batyr, Kerý, Kóktóbe, Sulýtór, Úlken Sulýtór, Kenen, Bel, Jańaturmys, Kúnbatys – 1 aýyldaryn tirshilik nárimen qamtý maqsatynda jobalaýshy mekemelermen kelisimshart jasaldy», deıdi Qordaı aýdanynyń ákimi Begzat Bolatbekov.
Jalpy alǵanda osy jyly Jambyl óńirinde 15,4 mlrd teńgege 36 aýyldy aýyz sýmen qamtý josparlanǵan. Atalǵan jumys tolyqqandy júzege asqanda Jambyl oblysynyń eldi mekenderi 100 paıyz aýyz sýmen qamtylmaq.
Jambyl oblysy.
