Marat Orynbasaruly buǵan deıin Almaty qalasyndaǵy «Kardıologııa jáne ishki aýrýlar ǵylymı-zertteý ınstıtýty» aksıonerlik qoǵamynyń Basqarma tóraǵasy qyzmetin 2 jyl 4 aı atqarǵan. Osy merzimde atalǵan ǵylymı-zertteý ınstıtýtyn zaman talabyna saı jańartyp, tyń jetistikterge jetelegen isker basshy. Al, oǵan deıin Pashımov álemdi ábigerge salǵan koronavırýs indeti beleń alǵan kezde Túrkistan oblysynda qoǵamdyq densaýlyq saqtaý basqarmasynyń basshysy retinde uıymdastyrýshylyq qarym-qabiletiniń myqtylyǵyn moıyndatty. Nátıjesinde oblys pandemııa aıaqtalǵanǵa deıin qyzyl aımaqqa enbegen elimizdegi jalǵyz óńir boldy.
Qoǵamdyq densaýlyq basqarmasynyń basshysy bolǵan 3 jylda koronavırýsqa qarsy kúres maqsatynda oblystyń medısına mekemeleri 368 dana ókpeni jasandy jeldetý apparattarymen jabdyqtaldy. 890 ottegi konsentratorlarmen, 8 ottegi stansııasynmen, 12 dana kompıýterlik tomografpen, 12 jyljymaly medısınalyq keshenmen qamtamasyz etildi. Al 2021 jyly Túrkistan qalasyndaǵy 200 tósek-orynǵa arnalǵan tez qurylatyn modýldik juqpaly aýrýlar aýrýhanasy salynyp, paıdalanýǵa berildi. Oblysta PTR zerthanalarynyń sany 3 birlikten 13-ke jetti. Jedel-járdem qyzmeti 133 avtokólikpen qamtamasyz etildi. Bul avtokólikter jedel-járdem qyzmeti parkin 96 paıyzǵa jańartýǵa múmkindik berdi. Túrkistan oblysy KVI aýrýshańdyǵynyń kórsetkishi boıynsha kóp kezeńinde el boıynsha jasyl aımaqta ornalasty.
Ana men bala densaýlyǵyn saqtaý oblysta akýsher-gınekologtarmen 93 paıyz, bosandyrý uıymdary neonatologtarmen – 88, anestezıolog-reanımatologtarmen – 89, medısınalyq-sanıtarııalyq alǵashqy kómek kórsetý uıymdary jáne aýrýhanalar pedıatr mamandarymen 94 paıyz qamtamasyz etildi. Joǵary tehnologııalyq medısınalyq kómek joǵary mamandandyrylǵan kómektiń 18 túri júrgizildi. Qurylys, ınfraqurylymdy damytý boıynsha 2020-2021 jyldary Túrkistan óńirinde 15 densaýlyq saqtaý nysany salynsa, 2022 jyly 31 densaýlyq nysanynyń qurylysy júrgizildi. Oblystaǵy medısına uıymdaryn materıaldyq-tehnıkalyq jabdyqtaý úshin 2020-2022 jyldary jalpy sıpattagy transfertter esebinen 1724 dana medısınalyq qural-jabdyq satyp alyndy. Atqarylǵan is-sharalardyń nátıjesinde medısınalyq tehnıkamen jabdyqtaý kórsetkishi 84,77 paıyzǵa jetti.
Osyndaı jáne kóptegen basqa da ıgi isterge basshylyq etken Marat Orynbasaruly Ońtústik Qazaqstan memlekettik medısına akademııasyn «jalpy medısına» mamandyǵy boıynsha, Q.A.Iаsaýı atyndaǵy Halyqaralyq qazaq-túrik ýnıversıtetin «jergilikti ózin-ózi basqarýdy uıymdastyrý» mamandyǵy boıynsha úzdik bitirgen. Eńbek jolyn 2003 jyly Ońtústik Qazaqstan oblysy kardıologııa ortalyǵynda meıirger bolyp bastady. Odan keıin oblystyq klınıkalyq aýrýhanada anestezıolog-reanımatolog, reanımasııa bólimshesiniń meńgerýshisi bolyp jalǵastyrdy. 2008-2009 jyldary telemedısına ortalyǵynyń meńgerýshisi, 2009-2015 jyldar aralyǵynda oblystyq klınıkalyq aýrýhanasy bas dárigeriniń uıymdastyrý-ádistemelik jumysy jáne tótenshe jaǵdaılar jónindegi orynbasary, 2015-2017 jyldary Shymkent qalalyq №3 emhananyń bas dárigeri, 2017-2020 jyldary aralyǵynda Túrkistan oblystyq klınıkalyq aýrýhanasynyń bas dárigeri qyzmetterin atqarǵan. 2020-2023 jyldary Túrkistan oblysy qoǵamdyq densaýlyq saqtaý basqarmasynyń basshysy, 2023 jyldyń naýryzynan búginge deıin «Kardıologııa jáne ishki aýrýlar ǵylymı-zertteý ınstıtýty» aksıonerlik qoǵamynyń basqarma tóraǵasy bolyp eńbek etti.
Marat Pashımov – joǵary biliktilik sanatty dáriger, medısına ǵylymdarynyń kandıdaty, Qazaqstan Respýblıkasy Densaýlyq saqtaý isiniń úzdigi.
