20–30 shilde kúnderi ótetin sımpozıým bedeldi qylqalam sheberleriniń ózara tájirıbe almasýyn, sheberlik sabaqtaryn ótkizýdi jáne Mańǵystaý ólkesiniń tabıǵı erekshelikterin beıneleıtin óner shyǵarmalaryn jasaýdy maqsat etken. Sondaı-aq sımpozıým arqyly temirden jasalǵan músinderdi nasıhattaý, qalanyń kórikti jerlerin ashý jáne músin ónerin dáripteý de umyt qalmaǵan.
On kúnge sozylatyn sımpozıýmǵa túrkitildes memleketterden 30-dan astam músinshi men sýretshi qatysyp jatyr. Elimizden qatysýshy on músinshiniń ekeýi, on sýretshiniń beseýi Aqtaýdan.
«Is-shara beıneleý ónerin nasıhattap, qala turǵyndary men qonaqtaryn túrkitildes elderden kelgen qatysýshylardyń shyǵarmashylyǵymen tanystyrýdy kózdeıdi», deıdi Aqtaý qalalyq mádenıet, dene shynyqtyrý jáne sport bóliminiń basshysy Nurbolat Musaǵalıev. Aıtýlarynsha, sımpozıým aıasynda ótkiziletin is-sharalar qala mádenıetin damytýǵa, ónerge qyzyǵýshylyqty arttyrýǵa jáne halyqaralyq mádenı baılanysty nyǵaıtýǵa baǵyttalǵan.
Mańǵystaý oblysy
