Foto: Vıdeodan alynǵan skrın
Mektep-gımnazııa ákimshiligi apat kezinde oqıǵa ornynda eshkim bolmaǵanyn málimdedi. Qulaǵan tóbeniń jalpy aýmaǵy 250 sharshy metrdi quraǵan.
Tańnan beri jelide taralyp jatqan oqıǵa vıdeosyna qatysty Qaraqııa aýdany ákimdiginiń baspasóz qyzmeti túsinikteme berdi.
«Qazirgi ýaqytta oqıǵa ornyna arnaıy mamandar shaqyrylyp, tıisti tekseris pen saraptama jumystary júrgizilip jatyr. Oqıǵaǵa baılanysty arnaıy komıssııa quryldy. Tolyq saraptama nátıjeleri men jóndeý jumystary týraly qosymsha aqparat keıinirek habarlanatyn bolady», delingen habarlamada.
Aıta keteıik, 1400 oqýshy bilim alatyn aýyl mektebi 2009 jyly paıdalanýǵa berilgen.
lada.kz málimetinshe, mekteptiń ózge bólikteri men synyptarǵa zaqym kelmegen.
