12 shildeden bastap kúshine engen zańnama normasynyń negizgi maqsaty – azamattardyń quqyqtary men bostandyqtaryn, onyń ishinde dinı senim bostandyǵyn shektemeı, qoǵamdyq qaýipsizdikti qamtamasyz etý, adamdardyń tulǵasyn taný men qoǵamdyq tártipti saqtaý.
Polısııa ókilderiniń aıtýynsha, bul tyıym adamnyń bet-júzin tolyqtaı jaýyp, tulǵasyn anyqtaýǵa kedergi keltiretin kıimderge qatysty. Atap aıtqanda, betti tutas jabatyn betperde, nıkab sekildi kıimderge tyıym salynady.
Al hıdjab, sheıla, hımar, al-amıra sııaqty bet-júzdi jappaıtyn kıim túrlerine bul norma qoldanylmaıdy.
Sondaı-aq bul shekteý aýa raıynyń ereksheligine nemese medısınalyq qajettilikke baılanysty qoldanylatyn kıimderge qatysty emes. Sonymen qatar zań talaptaryn oryndaý kezinde, qyzmettik nemese eńbek mindetterin atqarý barysynda, azamattyq qorǵaý, sporttyq, buqaralyq-sporttyq jáne mádenı is-sharalarǵa qatysý kezinde de bul talap qoldanylmaıdy.
Túsindirý jumystary barysynda ýchaskelik polısııa ınspektorlary azamattarǵa ózge de quqyq buzýshylyqtar men qylmystardyń aldyn alý sharalaryn túsindirdi. Atap aıtqanda, ınternet-alaıaqtardyń aldaý tásilderi týraly aıtyp, turǵyndardyń jıi aldaný sebepterin mysaldarmen jetkizdi.
