Angar tıpindegi kópfýnksıonaldy muzaıdynynyń ashylý rásimi saltanatty jaǵdaıda ótti.
– Memleket basshysy balalardy sportqa baýlýǵa árdaıym erekshe mán berip keledi. Sonyń aıqyn dáleli – búgingi is-shara. Jańa muzaıdynynda qysqy sport túrlerin damytý maqsatynda mánerlep syrǵanaýdan sport sheberi Alena Ponkratova arnaıy Sankt-Peterbýrgten shaqyrtylyp, osy keshende turaqty jattyqtyrýshylyq jasaýǵa kelisimshartqa otyrdy.
Endi ata-analarǵa, jattyqtyrýshylar men sport uıymdaryna zor senim artylyp otyr. Jas sportshylarymyz kásibı jattyqtyrýshymen birge jańa bıikterdi baǵyndyryp, jarqyn jeńisterge jetetinine senimimiz mol. Kók týymyzdy kókke kóteretin naǵyz sańlaqtar osy muzaıdynynan shyǵa bersin, – dedi jergilikti turǵyndardy tarıhı oqıǵamen quttyqtaǵan Mańǵystaý oblysynyń ákimi Nurdáýlet Qılybaı.
Nysannyń jalpy aýmaǵy – 1100 sharshy metr, onyń ishinde muz alańy 960 sharshy metrdi quraıdy. Muzaıdyny bir mezette 500 adamdy qabyldaı alady. Sporttyq keshende uldar men qyzdarǵa arnalǵan jýyný, kıim aýystyrý bólmeleri, jattyqtyrýshylar men medısına qyzmetkerlerine arnalǵan kabınetter, sondaı-aq ákimshilik bólmeler bar. Keshenniń ekinshi qabatynda balalar men jasóspirimder sport mektebiniń tárbıelenýshilerine arnalǵan zamanaýı jattyǵý zaly ornalasqan. Munda 10-18 jas aralyǵyndaǵy alǵashqy daıarlyq toptary men jas sportshylar kásibı jattyqtyrýshylardyń jetekshiligimen shynyǵady.
Aldaǵy ýaqytta nysanda hokkeı, short-trek, mánerlep syrǵanaý jáne kerlıng syndy olımpıadalyq sport túrlerinen tegin úıirmeler jumysyn bastaıdy.
Jańa sport kesheni – jańaózendik jastardy salalyq sportqa tartý men jarys jeńimpazdaryn ázirleýge baǵyttalǵan aıryqsha múmkindik.
Mańǵystaý oblysy
