Foto: kz.kursiv.media
Reseı ımperııasynyń 1897 jylǵy alǵashqy jalpyhalyqtyq sanaǵynyń derekterine sáıkes, keıinirek Qazaq ASSR-iniń quramyna engen jerlerde 4,3 mln adam turǵan eken. Olardyń 3,5 mln qazaq bolǵan.
Bıýro málimetinshe, halyq sanynyń jyldar boıynsha ózgerý dınamıkasy mynadaı:
•1913 j. – 5,5 mln
•1920 j. – 5,4 mln
•1922 j. – 5,3 mln
•1939 j. – 6 mln
•1959 j. – 9,2 mln
•1970 j. – 13 mln
•1979 j. – 14,6 mln
•1984 j. – 15,6 mln
Táýelsizdik alǵannan keıin, 1991 jyly Qazaqstan halqynyń sany 16,4 mln adam bolǵan. Alaıda kóshi-qon úderisterine baılanysty 2000 jyly bul kórsetkish 14,9 mln deıin azaıyp ketken. 2010 jyly halyq sany qaıtadan 16 mln mejesin baǵyndyryp, 16,2 mln adamǵa jetken.
2023 jylǵy qarashada elimizdegi halyq sanynda tarıhı kórsetkish tirkeldi. Sol jyldyń san deregine saı Qazaqstan halqy alǵash ret 20 mıllıonnan asty. Al 2025 jylǵy 1 maýsymdaǵy keıingi derekterge sáıkes, Qazaqstan halqynyń sany 20,3 mln adamǵa jetken.
