Foto: Ashyq derekkóz
«Assalaýmaǵaleıkým, Qazaq eli! Búgin men úshin tarıhı kún de kelip jetti. Osydan týra 1 jyl buryn armanyma qol jetkizip, Olımpıada chempıony atandym. Úsh Olımpıadanyń árqaısysynyń orny bólek. Biraq Parıj Olımpıadasynyń altyny ardaıym bıik bolyp qala beredi», dep jazdy sportshy.
Smetov bul jeńistiń artynda orasan eńbek pen mańdaı ter turǵanyn atap ótti. Ol Olımpıada altynyn barlyq jetistiginiń shyńy dep baǵalaıdy.
«Qanshama mańdaı ter men eńbektiń aqtalǵan kúni. Barlyq marapatymnyń shyńy. Sátsizdikter men qıyndyqtar qatar júrgen joldy eńsergen kún. Armanǵa jetý jolynda biz kóp nárseden bas tarttyq, kóp nárseni tárk ettik, kóp táýekelge bardyq», dep jazdy dzıýdoshy.
Ol barlyq sportshylarǵa dál osyndaı jeńisti armandap, soǵan jetýlerine tilektestik bildirdi.
«Sátsizdikter men qıyndyqtar qatar júrgen joldy eńsergen kún. Armanǵa jetý jolynda biz kóp nárseden bas tarttyq, kóp nárseni tárk ettik, kóp táýekelge bardyq. Dál osyndaı qýanyshty, dál osylaı armandy barlyq sportshy baǵyndyrýyna tilektespin! Olımpıada altynynan keıin ǵana men ómirimdi ózime, otbasyma, jaqyndaryma arnaı bastadym. Parıj altyny biz almaıtyn qamal joq ekenin kórsetti. Dál osy jeńisimdi 2028 jyly Los-Andjeleste qaıtalaǵym keledi. Inshalla, kelesi tórt jyldyqtyń basty dodasynda osy emosııany syılaý úshin bar kúshimdi salamyn», dep bólisti Smetov.
Esterińizge sala keteıik, Eldos Smetov Parıjde ótken HHHIII jazǵy Olımpıada oıyndarynda jeńiske jetip, chempıon atanǵan edi.
