Foto: Ashyq derekkóz
Saýalnama qorytyndysyna sáıkes, respondentterdiń 84,2%-y memleket tarapynan dástúrli qundylyqtardy qorǵaý baǵytynda qabyldanyp jatqan sharalardy qoldaıdy. Sonymen qatar, 67,3%-y LGBT nasıhatyn zańmen shekteýdi durys dep sanaıdy, al 79,8%-y ony jastar úshin qaýip retinde kóredi.
Zertteýge sáıkes, LGBT taqyrybyna qatysty aqparattyń basty kózi – áleýmettik jeliler bolyp otyr. 63,7% respondent LGBT týraly málimetti tikeleı áleýmettik medıa arqyly alatynyn aıtqan. Al 29 jasqa deıingi jastardyń 73,2%-y ınternetti negizgi aqparat arnasy retinde atap ótken.
Mamandardyń aıtýynsha, jasóspirimderdiń LGBT taqyrybyndaǵy kontentti jıi tutynýy olardyń jynystyq jáne genderlik ózin-ózi tanýyna teris áser etýi múmkin. Mundaı jasóspirimderde kóbine ishki qaıshylyq, alańdaýshylyq jáne dıskomfort sezimderi paıda bolady. Sonymen qatar, aqparattyq keńistikte jas erekshelikteri eskerilmegen mazmunnyń kóp bolýy jeke tulǵanyń qalyptasýyna keri áser etedi.
Balalarǵa arnalǵan mýltfılmder, kitaptar men serıaldar arqyly beısanaly túrde beriletin LGBT sımvolıkasy jasóspirimder arasynda turaqtylyq pen bolashaqqa senimniń álsireýine sebep bolýy múmkin.
Respondentterdiń jartysynan kóbi LGBT nasıhatynyń kámeletke tolmaǵandardyń fızıkalyq jáne psıhoemosıonaldyq damýyna teris áser etetinine alańdaıdy. Sonymen qatar, saýalnamaǵa qatysýshylar týý kórsetkishiniń tómendeýi (42,8%), otbasylyq ınstıtýttyń álsireýi (42,8%) jáne jynystyq jolmen beriletin ınfeksııalardyń taralýy (37,2%) syndy qaýipterge nazar aýdarǵan.
