Jarysqa qatysýshylar jeti sport túrinen (fýtbol, voleıbol, asyq atý, toǵyzqumalaq, gir tasyn kóterý, qol kúresi, ústel tennısi) saıysqa tústi. Sonymen qatar qazaq kúresi, kókpar, taı báıgesi, alaman báıge sekildi ulttyq sporttan jarys kórigin qyzdyrdy.
Eki kúnge sozylǵan spartakıadanyń qorytyndysynda komandalyq esepte Bıdaıyq aýyldyq okrýginiń sportshylary birinshi oryn aldy. Júldeli ekinshi oryndy Jańaarqa kentiniń sportshylary ıelense, úshinshi oryndy Qaraaǵash aýyldyq okrýgi qanjyǵasyna baılady. Túıe balýan, taı báıgesi, alaman báıge júldegerlerine motosıkl tartý etildi. Jeńimpaz bolǵan barlyq sportshy gramota, medal, kýbokpen qatar, qomaqty aqshalaı syılyqqa ıe boldy. Jarys erejesi boıynsha úzdik sportshylar men myqty komandalar aldaǵy ýaqytta ótetin oblystyq spartakıadada aýdan namysyn
qorǵaıdy.
Ulytaý oblysy
