Jambylda taǵy bir gaz qory tabyldy

TARAZ. 5 tamyz. Jaqynda «QazTransGaz» AQ «Amangeldi» ken ornynan jańa geologııalyq qor tapty. Qor «Batys Sultanqudyq» qurylymynan tabylǵan. Bul týraly egemen.kz tilshisi habarlady. Jańa kenishte aldyn-ala geologııalyq barlaý esepteri boıynsha kómirsýtek shıkizatynyń qory 32,7 mlrd. tekshe metr, alynatyn qor 24,5 mlrd. tekshe metr bolady dep kútilýde. Bul árıne, tabıǵı gaz ben gaz kondensatyn óndirý kólemin arttyryp, elimizdiń ońtústik óńirlerin otandyq gazben qamtýǵa septigin tıgizedi. «Amangeldi» gaz kenishi búginde oblysqa jylyna 330 mln. tekshe metr tabıǵı otyn berip otyr. О́tken jyldyń sońynda ashylǵan «Jarqum» ken ornynyń arqasynda taǵy da jylyna 65 mln. tekshe metr gazdy qosymsha alýǵa múmkindik týdy. «Amangeldi» gaz kenishi qorynyń kóbeıýi jergilikti halyqtyń áleýmettik turmysyna úlken serpin berýde. Sodan bolar, eldi mekenderdi gazdandyrýda sońǵy jyldary oblysta úlken tirlikter atqarylyp jatyr. Oblysta 373 eldi meken bar. Sonyń 40 paıyzdan astamy gazdandyrylǵan. Qazir Jambyl oblysynda tek Moıynqum aýdanyna ǵana gaz tartylmaǵan. Bıyl Shý, Qordaı aýdandarynyń turǵyndary tabıǵı otynnyń rahatyn kórýde. Endi Qarataý qalasynan Jańatas qalasyna gaz qubyrlaryn tartýdyń qamy jasalýda. Oralhan Dáýit. Derek, sýret: egemen.kz.