Atyraýda tutynýshylardan zańsyz qujattar suralady

ATYRAÝ. 4 tamyz. Atyraý oblysyndaǵy monopolıst-kásiporyndardyń jelige qosylý barysynda tutynýshylardan zańsyz qujattar suratý deregi anyqtalyp otyr. Bul týraly oblystyq prokýratýraǵa silteme jasaǵan egemen.kz tilshisi habarlady. Atyraýda sý, gaz jáne elektr jelilerine qosylýǵa nıetti tutynýshylar ótinishi ýaqytynda oryndala bermeıdi. О́ıtkeni, atalǵan salalarda tutynýshylarǵa qyzmet kórsetetin kásiporyndar tarapynan zańda kózdelmegen qujattar suralady eken. Osylaısha, tutynýshylar quqyǵy buzylady. «Atyraý Jaryq» aksıonerlik qoǵamy, «Jylyoı Gaz» jáne «Jylyoı Sý» seriktestikteri ózderine tıesili jelige qosýǵa tehnıkalyq sharttar berý kezinde zańda qarastyrylmaǵan qujattar ákelýdi talap etken. Máselen, barlyq kommýnıkasııalar men qurylystar kórinetin 1:500 masshtabty toponımıkalyq túsirilim suratqan. Kásiporyndardyń bul talaby kásipkerlerdiń qosymsha shyǵyndanýyna ákelip soqtyrdy. Endi bul qujattar qajetti qujattar tiziminen alynyp tastaldy», dep habarlady Atyraý oblystyq prokýratýrasy basqarma basshysynyń mindetin atqarýshy Temirbek Dárjanov. Joldasbek Shópeǵul. Derek: Atyraý oblystyq prokýratýrasy. Sýret: azh.kz.