Foto: Qala ákimdigi
Atalǵan qalanyń Bilim basqarmasy basshysynyń buıryǵyna sáıkes, árbir baǵyt boıynsha tehnıkalyq jáne kásiptik bilim berý uıymdary men beıindi oqytýdy júzege asyratyn jalpy bilim beretin mektepter bekitildi.
Jobaǵa 7 JOO (L.Gýmılev atyndaǵy Ulttyq Eýrazııa ýnıversıteti, Q.Qulajanov atyndaǵy Qazaq tehnologııa jáne bıznes ýnıversıteti, S.Seıfýllın atyndaǵy Qazaq agrotehnıkalyq ýnıversıteti, Astana IT University, «Astana» medısına ýnıversıteti, M.Tynyshpaev atyndaǵy ALT Ýnıversıteti, «Astana» halyqaralyq ýnıversıteti), Astananyń 21 kolledji jáne 70 mektebi qatysady.
Beıindi 8-11 synyptarda barlyǵy 2 892 bilim alýshy qamtyldy, onyń ishinde kelesi baǵyttar boıynsha:
- Servıs (tamaqtandyrýdy uıymdastyrý) – 25 synyp ashyldy, bilim alýshylar sany – 545, onyń ishinde memlekettik tilde – 300, orys tilinde – 245.
- Servıs (tehnıkalyq qyzmet kórsetý) – 4 synyp, bilim alýshylar sany – 88, onyń ishinde memlekettik tilde – 58, orys tilinde – 30.
- Dızaın – 12 synyp, bilim alýshylar sany – 290, onyń ishinde memlekettik tilde – 80, orys tilinde – 210.
- Tigin óndirisi – 13 synyp, bilim alýshylar sany – 316, onyń ishinde memlekettik tilde – 279, orys tilinde – 67.
- Temirjol kóligi – 5 synyp, bilim alýshylar sany – 121, onyń ishinde memlekettik tilde – 91, orys tilinde – 30.
- IT – 9 synyp, bilim alýshylar sany – 156, onyń ishinde memlekettik tilde – 83, orys tilinde – 73.
- Pedagogıkalyq – 50 synyp, bilim alýshylar sany – 1064, onyń ishinde memlekettik tilde – 919, orys tilinde – 145.
- Medısına – 12 synyp, bilim alýshylar sany – 282, onyń ishinde memlekettik tilde – 158, orys tilinde – 124.
2025 jylǵy 1 aqpanda kolledjder mekteptermen kelisilgen taqyryptyq josparlar ázirledi. Beıindi synyptardyń ár baǵytyna Astana qalasynyń ádistemelik ortalyǵynyń jaýapty ádiskerleri bekitildi. Beıindi synyptardaǵy sabaqtardy 170 arnaıy pán oqytýshylary men óndiristik oqytý sheberleri júrgizedi. Sabaqtardy ótkizý formalary: dárister, sheber-synyptar, ekskýrsııalar, trenıngter, jobalyq jumystardy qorǵaýmen dóńgelek ústel, slet jáne basqalar. Beıindi synyptardyń jumysyna kolledjderdiń áleýmettik seriktesteri jumyldyrylǵan. Monıtorıng júrgizý jáne ádistemelik kómek kórsetý maqsatynda beıindi synyptardaǵy sabaqtarǵa qatysý, bilim alýshylar arasynda saýalnama júrgizý kózdelgen.
Sondaı-aq, beıindi jumyspen erekshe bilim berý qajettiligi bar bilim alýshylarda qamtylǵan. Atap aıtqanda, kásiptik baǵdarlaý boıynsha sabaqtan tys qyzmetti uıymdastyrý maqsatynda Astana qalasynyń ár aýdandary boıynsha pılottyq mektepter (№8,23,65,71,79,83,89,96) iriktelinip alynǵan.
2023 jyly atalǵan baǵyttaǵy baǵdarlama qalalyq saraptamalyq keńeste qaralyp, bekitildi. Mektepterdiń materıaldyq tehnıkalyq bazasy eskerile otyryp, baǵdarlamada kórsetilgen úıirmelerdi ashýǵa erekshe bilim berý qajettiligi bar bilim alýshylardyń sany anyqtaldy. №23, 83 mektepterde «Tigin isi», «Aspaz isi» úıirmelerin mekteptiń shtattyq birligi negizinde júrgizý múmkindigi bar, al №65, 71, 96 mektepterde qosymsha úıirme ashý úshin saǵattar M.О́temisov atyndaǵy jáne Ál-Farabı atyndaǵy oqýshylar saraıy esebinen alyndy jáne osy atalǵan mektep bazasynda ótedi.
Bul úıirmege 13 jastan joǵary ártúrli jastaǵy balalar toptastyrylǵan. Úıirmelerdi tehnologııa jáne aspazdyq kabınetterinde beıindi bilimi bar pedagogtar júrgizedi. Sabaqtar kestege sáıkes aptasyna 2 ret 2 akademııalyq saǵattan ótkiziledi. Toptardyń tolymdylyǵy 6-7 adamnan turady. Bilim alýshylar beıini boıynsha bastapqy bilim men daǵdylardy ıgeredi.
